Item jan kerreman woenende te beersele in p(rese)ncia heeft geloift voir/ hem sijne(n) erve(n) en(de) nacomelinghe(n) jouffr(ouwe) katlijne(n) kerrema(n)s weduwe lodewijcx/ wilen vand(en) borchove(n) sijnd(er) sust(er) noch hue(r) nacomelinghe noch oic hue(r) goide/ gelegen te putte te beersele en(de) elswair in braba(n)t in woeni(n)ge(n) huyse(n) hoven/ wynnen(de) landen beemden eeusselen bosschen chijsen rinte(n) erfpachte(n) ende/ allen ande(re)n hue(re)n toebehoirten alsoe wale die zij van hue(re)n oft huers/ mans weghen besitten(de) es als die sij tegen den vors(creven) janne en(de) florise/ kerreman hue(re)n bruede(re)n v(er)cregen heeft in hue(re)n weduwen stoele va(n) nu/ voirtaen ne(m)mermeer aen te spreken noch he(n) rechts d(aer) toe te v(er)mete(n) in/ gheene(n) rechte gheestelic noch weerlic in gheenre manie(re)n mair van desen/ tege(n) eene(n) yegeliken goet gerecht warant te sijne ende te bliven et/ t(antu)m Behoudelijc de(n) vors(creven) ja(n)ne en(de) sijnre geboirte(n) oft zij lang(er) leefde(n) dan de
//
vors(creven) jouffr(ouwe) katlijne en(de) zij storve sonder geborte van hue(re)n live/ achter te laten oft testamente te maken hue(re)n lantrechte/ en(de) actie in alle de goede die na hue(r) bliven zullen/ niet wederstaende der gelooften vorg(eruert) cor(am) vync ouder(ogghe)/ aug(usti) xxvi