It(em) wouter van nethen(en) geheete(n) vanden royele in p(rese)ncia heeft willichlijc/ overgegeve(n) geson gheconsenteert en(de) ghewillecoirt dat meest(er) augustijn/ sijn sone p(ri)us ema(ncipa)[t(us)] ter stont v(er)coepen sal moigen in al oft in deele/ die omberuerlike goede die jouffr(ouwe) katlijne wijlen van nethen(en) weduwe/ andries wilen thomaes moeye des vors(creven) meest(er) augustijns de(n) selve(n)/ meest(er) augustijne behalve(n) sijns vaders tocht maicte in hue(re)n testame(n)te/ willecoeren(de) ende gheloeven(de) den vors(creven) sijne(n) sone als dat gebuert dat/ hij dan d(aer) toe hant en(de) mont sal leene(n) voe(r) alle he(re)n hove(n) oft gerichte(n)/ d(aer) dat soude moige(n) dyene(n) oft behoeve(n) ter coepe(re)n behoef sonder des vors(creven)/ wout(er)s cost Bij alsoe dat de vors(creven) wout(er) eer hij alsulke(n) behulp oft/ afgaen den vors(creven) sijne(n) sone sal derve(n) doen te binne(n) sal sijn inder/ stad wissel vanden coepe soe vele gelts te hebben dat hij d(aer) mede soe/ vele lijftochts sal moeghen coepen als die selve v(er)cochte goede gonde(n)/ oft ter goeder trouwe(n) jaerlix weirt wa(r)en d(aer) af die hootpe(n)ni(n)ghe/ altoos den vors(creven) meest(er) augustine blive(n) sullen sonder arghelist/ coucker(oul) ouderogghe octobr(is) iiii[ta]