Cont zij allen lieden dat de eerwerdighe hee(re) her jan van/ merchten(en) busscop van lyberie en(de) wijbusscop des hogheboren(en)/ en(de) mechtigen he(re)n lodewijcx van burbon elect geco(n)firmeert te/ luydic ter eend(er) en(de) katlijne vand(er) bueken weduwe willems/ wilen puttemans ter ander zijden sijn met malcande(re)n eens/ worden voir hen hue(re)n erven en(de) nacomelinghen der pointe en(de)/ condicien hier na bescreve(n) die zij gelooft hebben tonderhouden/ van hue(re)r beider erve [neve(n) een] gelegen inde grymstrate d(air) de vors(creven)/ her jan en(de) de weduwe [nu ter tijt] inne woenen Te weten(e) inden/ yersten dat alsulken muer en(de) huyse als de vors(creven) her jan d(air)/ staende en(de) gemest heeft ter zijden d(er) vors(creven) weduwen wert/ van voir tot achter omtrent [vacat] voeten lanc tot eeuwege(n)/ daghen sale(n) bliven staende en(de) dien sal de vors(creven) her jan houde(n)/ op zijne(n) cost zond(er) de vors(creven) weduwe dair af e(n)nighen/ cost of last te hebben En(de) ter and(er) zijden sal de vors(creven) her/ jan als voir hebben en(de) behouden zijnen usiendrup vanden/ selven erve op derve der vors(creven) katlijnen van voir tot acht(er)/ d(air) inne de selve katlijne voir hair en(de) hae(re)n nacomelinge(n)/ consent gedragen heeft zond(er) den selven he(re)n janne oft/ zijnen nacomelingen d(air) inne e(n)nighen stoet crot oft letsel/ te doen oft laten geschien in e(n)niger manie(re)n En(de) sal de selve/ her jan op dat hem gelieft inden selven muer metsel/ te drie stayen steene uutsteken(de) omtrent iiii oft v duyme(n)/ ter zijden wert d(er) vors(creven) katlijnen in kynnessen van osyendruppe/ kers(makere) roel(ants) m(ar)tii xii