Item arnt van breetzijp sone wilen henrix woenen(de) te schore/ inde prochie van sinte mychiels te loven(en) heeft gehuert/ en(de) bekint dat hij gehuert heeft tegen janne de smet rent/ meester en(de) procur(eur) des godshuys van vliederbeke inden name/ en(de) van weghen des selfs godshuys een eeusel den voirs(creven)/ godshuyse toebehoe(re)nde gelegen achter tvoirs(creven) godshuys aende/ ix boend(er) des selfs godshuys tusschen gorde vranx t(er) eend(er)/ zijden en(de) des godshuys lande vors(creven) op alle dand(er) zijden Te/ houden en(de) te hebben van sinte mertensmesse dat was int/ jair xiiii[c] en(de) lx lestleden eenen t(er)mijn van ix jae(re)n lanck/ deen na dander sond(er) middel vervolgen(de) elx jaers dae(re)nbynne(n)/ om en(de) voir ix r(ijnsche) gul(den) te xx st(uvers) tstuc tsinte mertensmesse te/ betalen den abt des vors(creven) godshuys oft den procur(eur) des selfs/ Met vorweerden dat de vors(creven) arnt de grechten vand(en) vors(creven)/ beempde behoirlic houden vegen en(de) ruyme(n) sal en(de) die ryolen/ wel en(de) loflic en(de) ten behoirliken tijde en(de) desgelix sal hij den/ vrede houden also dat d(air) af gheen scade en come also verre/ als hij dair inne gehouden sal zijn en(de) alle dese vorw(er)den/(et)c(etera) roel(ants) opp(endorp) ja(nuarii) iii