Item willem van berthem sone robberts wilen va(n) berthem woenen(de) te berthem/ in p(rese)ncia heeft openbaerlijc met zijne(n) vryen eygen(en) wille ov(er)gegeven ge/ transporteert en(de) in handen gesedt he(re)n robberde loenijs prieste(r) p(er)soen te/ cortenake(n) de scepen(en) brieve van loeven(e) spreken(de) van xx mudde(n) rocx
//
der mate(n) van loeven(e) lijfpensien ten live des voirs(creven) willems aen en(de) op/ zeke(re) goede en(de) onderpande inde(n) selve(n) scepen(en) brieve(n) va(n) loeven(e) genoe(m)pt/ vander date(n) xiiii[c] xxvii m(ar)tii nona un(um) reg(ist)r(u)m h(ab)etur in p(ro)xi(m)a camera/ dair desen aen gea(n)nexeert is Ende heeft d(aer) om de selve wille(m) den/ selven h(er) robberde de voirs(creven) scepen(en) brieve ov(er)gegeven te houde(n) voirtaen/ inder selver vuege(n) en(de) inde(n) selve(n) rechte de voirs(creven) willem die te voe(re)n/ hadde en(de) om meerder sekernisse hier af den voirs(creven) h(er) robberde te doen/ heeft de voirs(creven) willem ind(er) bester vuege(n) en(de) manie(re)n geconstituert/ de(n) selven he(re)n robberde en(de) gemaect zijne(n) speciale(n) p(ro)cur(acie) sond(er) enich/ wed(er)roepen dair inne te behouden om de voirs(creven) xx m(ud)[de] corens op te/ heffen en(de) te buere(n) alsoe wale des gevallen is als dat voirdaen/ vallen sal des vors(creven) willems leefdage lanc voir gebrec van betalinge(n)/ des selver twintich mudden corens met rechte te volghen en(de) te p(ro)cede(re)n/ dair dat behoe(re)n sal p(ar)tien die die sculdich moegen zijn te bedb bedingen/ quitancie d(aer) af te gheven en(de) vortaen dair inne in rechte ende/ dair buyten te doen dat de vors(creven) willem selve soude mogen doen oft/ hij altijt tegenwordich en(de) voir ogen wae(re) Geloven(de) voir ons in goeden/ truwen de vors(creven) willem en(de) op de verbintenesse van allen zijne(n) goeden/ tegenwordich en(de) toecomen(de) goet vast gestentich en(de) va(n) werden te houden/ allet ghene des bijden vors(creven) h(er) robberde hier inne gedaen oft gevordert/ sal worden m(ar)cels zande oct(obris) v