Item de voirs(creven) meester austijn heeft gekindt ende gelijd al eest soe/ dat hem tvoirs(creven) huys inde steenstrate gelegen in sijnder deilinghen/ blotelijc gevallen es metten ande(re)n goeden voirscr(even) om van nu/ voirtaen ende ter stont taenveerden en(de) te gebruyken dat nochta(n)/ de voirs(creven) wouter sijn vader sijn leefdaighe lanc en(de) meest(er) wout(er)/ ende jan sijn brueders oic des voirs(creven) wouters huers vaders leefdaige/ lanc tselve huys met ende gelijc hem selen moeghen besighen en(de)/ bewoene(n) ende voirt dat zijn suster dat oic met hen sal mogen/ bewoenen nae begrijp vanden tractaete tusschen die voirscr(even) vier/ kinde(re) gepasseert voir scepen(en) van loeven(en) februarii x lestled(en) eisd(em)