It(em) de voirs(creven) meest(er) augustijn renu(n)c(ians) (et)? p(ri)us ema(ncipa)[t(us)] uts(upra) heeft/ geloift den voirs(creven) roelofve en(de) henr(icke) zijnen sone dat hij he(re)n wout(ere)n/ van nethen(en) ridde(r) nu buyten lants zijnde in dien hebben sal ende/ v(er)vangen soe zaen hij wed(er) bynne(n) lants compt dat hij t(er) maniss(en) des/ vors(creven) roelofs en(de) sijns soens behoerlic afgaen sal en(de) renu(n)cieren/ der twee en(de) een half boend(er) lants oft d(air) omtri(n)t leengoets geleg(en)
//
in loevene(re)n(er)beemde in eene(n) stucke opde(n) wech d(air)me(n) gaet te wiltsele w(er)t/van loeven(en) tusscen de strate gaen(de) van loven(e) te wiltsele w(er)t op de dijle/ ald(air) ter eend(er) sijden de beemde d(er) tafele(n) sheilichs gheest va(n) loven(e) ter/ ande(re) de goede b(er)telmeeus wile(n) madee t(er) derd(er) en(de) de goede meester/ wout(er)s en(de) jans van nethen(en) gebruede(re)n des vors(creven) meest(er) augustijns d(air)/ neve(n) geleg(en) t(er) vierd(er) zijden In welke goede de voirs(creven) henr(ic) roelofs/ bijde(n) vors(creven) meest(er) augustijne meest(er) gorde godev(ar)ts prieste(r) ja(n)ne van/ laethe(m) ende clause scribaen voir den leenhee(r) en(de) sijn leenma(n)nen d(air)/ af de selve goede gehoude(n) werdde(n) behoirlic gegoidt en(de) gevesticht is/ Ende oft de vors(creven) h(er) wout(er) aflivich wordde dat de vors(creven) meester/ augustijn alsdan v(er)vangen sal jouffr(ouwen) vriendelijne(n) sijnd(er) nichte(n) weduwe/ ottens wilen van cuyc dat zij oft hue(r) oer oic des(en) goeden afgaen/ zullen en(de) behoirlic renu(n)cie(re)n Ende om meerd(er) vestich(eit) den vors(creven) roelofve/ en(de) sijne(n) sone van allet des vors(creven) steet te doene Soe heeft de voirs(creven) meest(er)/ augustijn bij orlove tshe(re)n vanden gronde in tijtle van wettighen/ onderpande v(er)obligeert ende tonderpande gesedt zijn hof ende/ goede met hue(re)n toebehoirte(n) gelegen en(de) geheeten ten huffle/ gelic hem die in sijnd(er) deilinge(n) tegen zijn brued(er)s en(de) sust(er) gevalle(n)/ zijn opden xxvi[te(n)] dach van merte lestled(en) cor(am) roelants zande/ junii viii