Vander questien die geweest is voir den raide vand(er) stat/ tusschen henricke zwaefs ter eend(er) zijden en(de) lijsbetten eve/ loeghs zijnen wijve weduwe gorts wilen heyme in dand(er)/ alse vanden gewasse vanden wijne dit jair gewassen ende/ hen ghebort is die de vors(creven) henric meynde dat hem/ volghen soude en(de) sculdich wae(re) te volgen dair af zij/ hielt de contrarie mits dien dat zij teghen malcande(re)n/ stonden int gedinghe te luydic en(de) ande(re)n reden(en) die hue(r)/ inden rechte luttel oft niet vele en diende Es getermijneert/ ende voir recht uutgesproken dat den vorscr(even)/ wijn dair questie om is volghen sal den vors(creven)/ henricke Des sal hij gehouden zijn te betalen ende/ te vernueghen allen den chijs en(de) pachten uut den/ wijngaerd(en) gaende vanden jae(re) vorleden met gaders alle/ costen van wercgelde totten daghe toe van heden dair/ af uutstaende actum in pleno consilio dec(embris) ii[a]