Item adam vander overmolen sone wilen jans wijngarde(r) in p(rese)ncia/ heeft ghenomen en(de) bekint dat hij genomen heeft teghen/ janne spynnoir metsere alsulken stuc wijngarts als de selve/ jan liggen(de) heeft inde boutershemstrate tusschen meester janne/ van overwynghe op deen zijde her symone sampam priest(er)/ op dandere de strate opde strate opde derde en(de) he(re)n pete(re)n potent/ prieste(r) opde derd vierde zijden Te houden en(de) te hebben vand(en)/herfste daghe van heden eenen t(er)mijn van drie jae(re)n lanc eemp(er)lic/ sonder middel vervolgen(de) elx jaers dae(re)nbynnen om en(de) voir de/ tweedel vanden wijne die opden selven wijngart jairlix wassen/ sal te deylen opden opden gront ter stont als dien bijden vors(creven)/ ada(m)me gesneden sal zijn d(air) af dand(er) derdendeel den vorscr(even)/ janne toebehoe(re)n sal Item es vorweerde dat de vors(creven) adam/ den vors(creven) wijngart den vorg(eruerde) t(er)mijn due(re)nde ten behoirliken/ tijden wynnen en(de) wercken sal wel en(de) loflijc gelijc reengenote(n)/ boven en(de) beneden en(de) den selven houden van staken op zijnen/ cost uutghescheiden dat de vors(creven) jan dit jair leve(re)n sal ende/ copen den vors(creven) adame een half duysent wijngart staken sonder meer/ Item es vorweerde dat de vors(creven) adam tzijne(n) derde(n) jae(re) zoe/ wanneer den wijn gelijc vors(creven) is af sijn sal den selven wijng(ar)t/ sal laten liggen zond(er) hem e(n)nich werc te gheven want hijten/ also aenverde Item zoe wanneer den vors(creven) wijn gelijc vors(creven) steet/ ghedeilt sal sijn es vorweerde dat een yegelic van hen/ sijn deel vand(en) vors(creven) wijne thuys vue(re)n sal Vort es vor/ werde dat de vors(creven) jan jairlix den chijs uuten vors(creven) wijng(ar)de/ gaende sal betalen also in tijts dat dair gheen schade aff/ en come Ende dese vorweerden kers(makere) m(ar)cels febr(uarii) xxviii