SAL7358, Act: R°197.1 (417 of 511)
Search Act
previous | next
Act R°197.1  
Act
Date: 1465-04-24
LanguageNederlands

Transcription

2019-01-15 by Dominique Van Daele
Uut dien dat op hede(n) bide(n) raide vand(er) stad vranc uute(n) lyeminge(n) ty(n)nen/
potghiete(r) betoge(n) heeft matheeuse colx vorste(r) hem bethiden(de) die hij mits/
machte va(n) [sijne(n)] gevo(n)niste(n) scepen(en) brieve(n) va(n) loven(en) die hij heeft sprekende/
op janne vand(en) hove vortelinge tsijne(n) versueke gehacht hadde/
de(n) selve(n) janne des hij hem sijne(n) salar(is) hadde gep(rese)nteert en(de) was/
bij middele va(n) goede ma(n)ne(n) en(de) tussce(n) sprek(en) gededingt dat de/
vors(creven) jan dach va(n) xii viii daige(n) hadde om dan wed(er) inde/
vroente des vors(creven) matheeus te sijne en(de) te come(n) in hachte(n)/
in sulk(er) state alse hij dien was want de vorste(r)/
matheeus altoes meynde dat hij van voe(r) en(de) van ande(re)n/
p(ar)tien wegen den vors(creven) janne vand(en) hove in hachte(n) hadde/
en(de) dat hij sijn gevange(n) man was dwelc de vors(creven)/
vrancke meynde dat hem gheen ontstade doen en soude/
want hij sijns rechts aende(n) vors(creven) matheeuse nyet en was/
afgegaen vand(er) welk(er) de vors(creven) matheeus hoopte den/
(contra)rie en(de) boot te bewijsen dat hij lespirio t(er) tijt also den/
vors(creven) dilacie gegev(en) was dat hij den man niet v(er)ant/
weerd(en) en woude welc thoenesse de stat aengehoirt/
heeft d(aer) inne de vors(creven) matheeus sijns v(er)meets niet/
en volqua(m) En(de) alsoe w(er)t d(aer)entind(en) get(er)mineert en(de) bide(n)/
stad raide uutgesproke(n) dat de vors(creven) matheeus soe/
vele doen soude dat hij de(n) vors(creven) ja(n)ne vand(en)/
houder in hachte(n) gec(ri)ge alse hijt(en) voe(r) hadde gehadt/
viii [da(n)] bijder stad raide ofts behoi(r)de om die(n) bijd(er) stad raide/
get(er)mineert en(de) v(er)clairen te wordde oft de hacht die/
de vors(creven) vrancke [v(er)socht] hadde dese doen de(n) recht genoech war/
oft en was en(de) den vors(creven) vrancke(n) diene(n) soude moige(n) p/
in act(um) in (con)silio opidi ap(ri)lis xxiiii
Contributorskristiaan magnus
Moderated bykristiaan magnus
Last update: 2016-06-14 by Agata Dierick