It(em) den dach van rechte die op tavont inde herberghe te bruessel [diene(n) soude] om op morge(n)/ te (com)pare(re)n voir den raide m(ijns) gened(ichs) he(re)n tusschen janne hermans met/ sijne(n) medepleg(er)s aenlegg(er)s ter eend(er) sijden en(de) jacoppe de witte v(er)weerde(r)/ sone wilen jans t(er) ande(re) hebben de selve p(ar)tien op heden eendrechtich/ lijc uutgestelt en(de) verlingt tot van heden over ii maenden naistcomen(de)/ inde herberge te sijne om des ande(re)n daichs te (com)pare(re)n int recht en(de)/ dien dach alsdan te dyenen gelijc hij op morgen gedaen soude/ hebben cor(am) roelofs meld(er)t s maii v[ta]