Procuracio Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) rade der stat van loven(en) saluyt/ doen cont en(de) te weten dat opden dach datum van desen voir/ ons comen es in prope(re)n p(er)sone meester karle mennekens/ bacularis [inden gheesteliken rechte] en(de) medecinen ende heeft mechtich gemaect geconstitueert/ gesedt volcomen macht procuracie en(de) auctoriteit ghegheven/ tot zijnen wederroepen meester henricke der kynde(re)n [meest(er) in arten] en(de) jacope/ baenst oft den eene(n) van hen hebber des briefs Alle en(de) yege/ welcke zijn goede chijse renten en(de) pachten en(de) sculden die de/ vors(creven) meester karle heeft oft e(n)nichsins hebben mach oft he(m)/ toebehoe(re)nde zijn inden lande van vlaende(re)n en(de) d(aer) omtrent en(de)/ men hem sculdich es en(de) namaels wesen sal Te manen/ te eysschen opte boe(re)n en(de) tontfangen aen wat p(er)sonen oft te/ wat steden dat dat zijn mach dair voir te panden te dagen/ te beleiden en(de) rastemente te doen leggen na gewoente ende/ costume vanden plaetsen dair dat behoe(re)n sal oft behoeve(n) soude/ mogen Ende op dats noet geborde voir alle richte(re)n gheestelijc/ en(de) weerlijc met rechte te vervolgen te verantweerden te / bescudden en(de) te bedinghen die te wynnen en(de) te verliesen compo/ sicie en(de) mynlike effeninghe dair af te maken den sculders/ van des zij oft deen van hen ontfanghen sullen hebben quijt/ te scelden en(de) quitancie te gheven en(de) de omberuerlike goede des/ selfs meest(er) karle met jairscharen uuttegheven te verpachte(n)/ en(de) te verhue(re)n en(de) vortaen generalic en(de) specialijc allet ghene/ d(aer) inne te doen en(de) te vorde(re)n des de vors(creven) meest(er) karle selve/ soude mogen doen wart dat hij tegenwordich en(de) voir ogen/ wae(re) Gevende vort de selve meester karle den vors(creven) meest(er)/ henricke en(de) jacope volcomen macht auctoriteit bevel en(de)/ last eenen oft meer van huer(er) hant gemechtichde en(de) gesubsti/ tueerde te setten en(de) te stellen om te doen en(de) in alle manie(re)n/ vors(creven) te vorde(re)n tallen plaetsen dat de vors(creven) meest(er) henric en(de)/ jacop oft zijt oft deen van hen [selve] daden oft met desen brieve
//
souden mogen doen Gelovende voir ons de selve meest(er) karle/ in goeden truwen voir goet vast gestentich en(de) van weerden/ te houden tot eeuwegen dagen soe wes bijden vors(creven) p(ro)cur(eur)s/ oft den gemechtichden en(de) gesubstitueerden bij hen oft den/ eenen van hen inden saken vors(creven) en(de) des dair aen cleven/ mach gedaen en(de) gevord(er)t sal worden in e(n)niger manie(re)n/ sonder argelist Behoudelic dat de vors(creven) gemechtichde/ en(de) [de] gesubstitueerde van hen den vors(creven) meester karle altijt/ tzijnder manissen van hue(re)n vors(creven) bewinde en(de) ontfanghe/ in des vors(creven) steet goede rekeninghe en(de) bewijs doen zullen/ des torconden hebben wij burg(ermeesteren) scepen(en) en(de) rade d(er) stat va(n)/ loven(en) vors(creven) den zeghel ten saken d(er) selver stat desen l(ette)ren/ aengehangen int jair xiiii[c] lxiiii julii vi