Item vanden gedinghe dat voir meye(re) en(de) sinte petersmanne van/ loven(e) geweest es inde banc tusschen joese van deurne geheten/ de kempene(re) woenen(de) te ymmerssele op he(re)n gorts vylains hof
//
in deen zijde ende janne troyts sinte petersman van loven(e) in dande(re)/ alse van eenen scepen(en) brieve van yeteghem en(de) bijden scepen(en)/ aldair beseghelt vander daet xiiii[c] lxii xviii dage in augusto/ dair mede de p(er)sone hier na genoempt gehouden wa(r)en ende/ hadden geloft te ghelden en(de) te dragen elc hue(r) porcie van/ alsulken vijf mott(oenen) erflic als emont albrechts heffen(de) is opde/ goede jans boets des ouden en(de) allen vorco(m)mer en(de) ko kue(re)n/ en(de) he(re)n chijs bijden vors(creven) janne boets den ouden in zijnder levend(er)/ tijt dair uutgaen(de) te weten jan van wave(r) als houden(de) henricx/ boets gedeelte jan troyts als houden(de) jans boets gedeelte en(de)/ joes kempene(re) als houden(de) wouters boets gedeelte en(de) dair toe/ hadde de voirs(creven) jan troyts geloft mits dat hij een tochtene(re) was/ hier toe [sijn kyndere] te vervanghen Ende alsoe versocht de voirs(creven) joes va(n)/ dorne dat hem de vors(creven) jan troyts de vors(creven) scepen(en) brieve/ voldade oft quame dair aff teghen hem te rechte ter plaetsen/ en(de) inde banc dair de vors(creven) scepen(en) brieve wa(r)en gemaect en(de)/ dair hij hem verlooft hadde dair tegen de vors(creven) jan sinte pet(ers)/ man hem met alrehande reden(en) verantwerde en(de) en meynde/ inde vors(creven) aenticht also niet gehouden te zijne Wert gewijst/ bijden he(re)n sinte petersmanne(n) van lov(en) dat zij dese zake met/ hue(re)n vo(n)nisse setten inde banc dair de vors(creven) scepen(en) brieve/ wa(r)en gemaect recht te gheven en(de) te nemen p(rese)nt(ibus) lyemi(n)g(en)/ burg(imagistro) roelofs jud(oco) abs(oloens) joh(anne) pynnoc wijtvliet julii v