It(em) nychasijs lerminial van bourgevael in p(rese)ncia heeft/ ghenome(n) ende bekint dat hij genome(n) heeft van hee(re)n/ wille(m)me van rousiel religieulx vander orden(en) van sint ja(n)s/ te jh(e)r(usa)l(e)m ende johannese sigaert als procur(eur)s ende rentmeest(er)s/ he(re)n emonts van emichove(n) hospitaliers van rodes en(de)/ meest(er)s van chantrain der ordene(n) van sint jans voirscr(even)/ vanden goeden der selver orden(en) thuys ende die wy(n)ni(n)ge/ van viescourt geleg(en) bij nyvele met alle(n) den wy(n)nende/ landen beempde(n) ende eeusselen tot den voirscr(even) huyse/ behoeren(de) Te houden te hebben ende te wy(n)nen van/ meydage naistcomen(de) eene(n) termijn van tweelf jae(re)n lanck/ v(er)volgen(de) Elx jaers dae(re)nbynne(n) om ende voe(r) die so(m)me/ van tseve(n)tich rinsche gulden(en) der vier kuervorste(r) mu(n)te(n)/ goet ende ghinghe oft payment dair voe(r) dat alsoe vele/ ten tijde van betalingen weert sal zijn deen helicht d(aer)aff/ te kersmesse en(de) ombegrepe(n) te liechtmesse dair nae volgen(de)/ ende dander helicht te paessche(n) ende ombegrepe(n) opden/ assenciedach te betale(n) den voirs(creven) he(re)n emonde va(n) emichove(n)/ oft zijne(n) p(ro)cur(eur) en(de) geco(m)mitteerde(n) jairlijx den voirs(creven) t(er)mijn/ due(re)nde quol(ibet) ass(ecutu)[m] daer af dyerste payment zijn ende valle(n) sal/ van kersmesse nu naistcomen(de) oft liechtmisse ombegrepe(n) over een/ jair ende dander helicht te paessche(n) oft assenciedage o(m)begrepe(n)/ dair nae volgende ende niet eer It(em) sal de voirs(creven) wy(n)ne bove(n)/ dese(n) noch gene(n) jairlijcx ende leve(re)n mijne(n) hee(r) voirs(creven) een/ dossijne goeder costbar(er) tijtverdig(er) hantkese(n) Item de voirs(creven)/ wynne die den winterart te hallemair ende vier boender bij/ tvoirs(creven) huys van viescourt bevonde(n) heeft met wintercoirne iii/ sulke(n) pointe als dien stont sal dien jairlijcx wel ende/ loflijck wynne(n) ende werve(n) ten behoirlijke(n) tijde ende ten
//
uuytgave van zijnder pechtinghe(n) den selve(n) alsoe gewonne(n) late(n) op/ vier getijdege voren ende gesaeyt met goeden ende loflijken/ zade uuytgenome(n) twee boende(r) en kilx? geleg(en) Item den/ someraert te wete(n) xxix boender in eene(n) stucke ter plaetse(n)/ geheete(n) williapreit ende xxiiii boender in eene(n) ande(re)n/ stucke d(aer)men gaet te valionpont neve(n) die haghe van/ viescourt te nyvele wert Den welke(n) hij aenveerdt heeft/ in sulke(n) pointe gewonne(n) als hij dien bevonde(n) heeft/ sal hij wynne(n) ende werve(n) jairlijcx ten somerarde wel/ ende loflijck ten behoirlijke(n) tijde op twee getideghe/ vore(n) Ende ten uuytgane zijns voirs(creven) t(er)mijns d(aer)op wel/ ende loflijck besait late(n) vier rasie(re)n erwete(n) vier rasie(re)n/ crocke(n) ende vier rasie(re)n cortter even(en) ende tsurplus vand(en)/ selve(n) somerarde met even(en) met goede(n) ende loflijke(n) zade/ al mate van nyvele Item die brake houden(de) tsestich/ boender in eene(n) stucke geleg(en) bove(n) de(n) voirs(creven) hof van/ viescourt neve(n) de beemde(n) van williapreit die hij bevo(n)d(en)/ heeft op eene getidege voe(r) gewo(n)ne(n) sal hij tsijnen/ afscheyde(n) wel ende loflijck alsoe gewo(n)ne(n) late(n) It(em) sal/ de voirs(creven) wy(n)ne jairlijx sijne(n) voirs(creven) t(er)mij(n) due(re)nde margele(n)/ wel ende loflijck tsijne(n) coste ende laste vier boender/ vande(n) voirs(creven) lande(n) Item sal de voirs(creven) wy(n)ne jairlijcx/ den voirs(creven) t(er)mijn due(re)nde allet stroe ende peysteringhe/ vande(n) voirs(creven) goede(n) comen(de) etten ende slijten int voirs(creven)/ hoff met sijne(n) beeste(n) ende dat te meste beke(re)n ende/ dat meste opde voirs(creven) lande jairlijx vue(re)n alsoe wel/ opde veerste alse de naiste Ende ten selve(n) uuytgaene/ zijns voirs(creven) t(er)mijns den hof ende alle de stallinghe desselfs/ gheydelt ende gheruymt te hebbe(n) vande(n) meste in mey/ daghe ende altijt ten meesten p(ro)fijte va(n)de(n) voirs(creven) lande(n)
//
Item sal de voirs(creven) wy(n)ne jairlijcx leve(re)n int voirs(creven) hof ii[m]/ walme(n) stroes nyvelsche goede ende loflijke om die/ aldair verdect te werde(n) ende alsme(n) die ald(aer) v(er)decke(n)/ sal Soe sal de voirs(creven) wy(n)ne den wercliede(n) den/ montcost gheve(n) ende mijn hee(r) die dachu(re)n betale(n)/ It(em) sal die voirs(creven) wy(n)ne vrachte(n) ende hale(n) met zijne(n)/ wagene p(er)de(n) ende getouwe(n) alle hout en(de) stoffe behoe/ ven(de) totter refectien vande(n) huyse(n) des voirs(creven) hoofs en(de)/ hij sal hebbe(n) de helcht vanden afvalle vande(n) selve(n)/ houte dat hij alsoe hale(n) sal ende de rentm(eeste)r dander/ helcht Ende sal desgelijcx des(n) montcost va(n)de(n) werc/ liede(n) die refectie doe(n) geve(n) en(de) mij(n) hee(r) die dachue(re)n/ betale(n) It(em) sal die voirs(creven) wy(n)ne vande(n) voirs(creven) huysinghe(n)/ vand(er) yerster rijkele(n) nederw(er)t op sijn(en) last wel ende/ loflijck de edificie(n) houde(n) It(em) de voirs(creven) wynne en sal/ niet moege(n) doe(n) noch late(n) ghae(n) zijn vercken(en) en(de) scape(n)/ op tgebroecte des voirs(creven) hoofs nae uuytgane m(er)te tot/ sinte m(er)tensmisse toe hij en sal telke(n) male v(er)vue(re)n als sij/ d(aer) op zelen ghae(n) aenden voirs(creven) hee(r) van chantrain ende/ zijne(n) nacomelinghe(n) eene(n) clinckart braba(n)ts It(em) de voirs(creven) wy(n)ne/ en sal niet moege(n) houwe(n) noch afsnyde(n) gheen hout opt/ tvoirs(creven) tgebroecke voirs(creven) noch omtrint den bossche va(n) nyvele/ mair hij sal moege(n) snyde(n) ende afdoe(n) haghe(n) ende struyke(n)/ ende die uutrode(n) omtrint de(n) wy(n)nen(de) lande(n) ende weyen voirs(creven)/ eens binne(n) d(er) voirs(creven) zijnder pechtinge(n) uuytgenome(n) hout/ dwelc gheen scaerhout en is It(em) sal de voirs(creven) wi(n)ne zij(n) coeye(n)/ moige(n) peyste(re)n opde bossche(n) ende heye(n) voirs(creven) It(em) sal de selve/ wy(n)ne jairlijcx hebbe(n) een boender bosch datme(n) hem bewijse(n)/ sal It(em) sal hij jairlijx hebbe(n) hout tot zijne(n) wagen(en) en(de) ande(re)n/ totte(n) getouwe behoiren(de) uuytgesceyde(n) tot rayers It(em) sal die/ voirs(creven) wy(n)ne xiiii vercken(en) opden eecker alse d(aer) ekelen
//
selen zijn moige(n) laten ghaen ende niet meer ende die/ sal die doen hueden op sijne(n) last Item es vorweerde/ dat de voirs(creven) wy(n)ne oft hem gelieft tallen drie jae(re)n/ sceyde(n) mach bij alsoe dat hijt een jaer te voe(re)n cundige(n)/ moet It(em) om de voirs(creven) pechtinge ende alle vorweerde(n)/ condicie(n) ende gelueften voe(r) ende nae bescreve(n) te/ gestentelijcker tonderhoude(n) ende te volvue(re)n heeft de/ voirs(creven) wynne geloift den voirs(creven) hee(r) oft zijne(n) gheco(m)/ mitteerde(n) te v(er)binde(n) ende tonderpande te sette(n) tot hue(re)r/ manisse(n) aut alte(r)i[(us)] alle zijne goede leene en(de) erve inde(n)/ hove va(n) bourgevail en(de) arkene(n) en(de) de(n) selve(n) te doen hebbe(n)/ daer af ten laste ende coste desselfs wy(n)nen behoirlijke brieve/ Op alsoe(r) wae(r) [de] wy(n)ne voirs(creven) gebreklijck va(n) eene(n) oft meer der/ voirs(creven) gelufte(n) en(de) condicie(n) dat de selve he(r) oft geco(m)mitteerde/ mette(n) selve(n) brieve(n) sele(n) moige(n) v(er)hale(n) tselve gebreck ende/ stelle(n) hue(r) hande aende(n) voirs(creven) hue(r) goide It(em) wa(n)t de voirscr(even)/ hee(r) den voirs(creven) wy(n)ne geleendt heeft sessentsestich rinsche/ gulden(en) alsulke(n) als voirs(creven) staen Soe es vorw(er)de ende/ heeft geloift de selve wy(n)ne de(n) voirg(enoemde) m(ijn) he(r) oft zijne(n)/ p(ro)cur(eur) oft geco(m)mitteerde(n) weder te geve(n) ende te betale(n) te(n) t(er)mijne(n)/ nae v(er)cleert te wete(n) op in meydage naistcomen(de) tween/ twintich rinsche gulden(en) d(aer) af in meydaghe d(aer) nae stapha(n)s/ volgen(de) binne(n) eene(n) jae(r) tweentwintich rinsch(en) gulden(en) d(aer) af/ ende in meydaghe dat dair nae binne(n) eene(n) jae(r) sonder/ middel volgen sal tsurplus quol(ibet) ass(ecutu)[m] It(em) sal de wy(n)ne/ voirs(creven) oic leve(re)n m(ijn) hee(r) oft geco(m)mitteerde(n) voirs(creven) een dossine/ keese(n) ende twee dusent walme(n) stroes tusschen dit/ ende mey naistcomen(de) Item en sal de voirs(creven) wy(n)ne de/ voirs(creven) goede sonder consent mijns hee(re)n voirscreve(n) nyema(n)de/ anders moeghen uuytgheve(n) Ende alle dese vorw(er)d(en) (et)c(etera)/ cor(am) absoloens colonia decembr(is) xxi