Cont zij allen lieden dat wout(er) pressans van gobberting(en) sone wijlen/ pet(er)s in p(rese)ncia heeft genome(n) en(de) bekint dat hij genome(n) heeft teghen meest(er)/ pet(ere)n gaus meest(er) in arten dwinhof desselfs meest(er) pet(er)s geleg(en) toverhem/ metten wynnen(de) landen geleg(en) inde p(ro)chie van meldert Te houden te hebbe(n)/ en(de) te wynnen van halfmeerte lestlede(n) eene(n) termijn van neghen jae(re)n/ lanc due(re)nde deen nae dande(r) staphants sonder middel volgen(de) Elx jairs/ d(aer)enbinne(n) o(m)me en(de) voe(r) de helicht van allen den greyne en(de) vruchten/ jairlix d(aer) op wassen(de) ende van desmen d(aer) op zaeyen sal met vorweerd(en)/ soe wanneer die vors(creven) vrucht tijt veerdich sal sijn aftedoene dat hij/ dat den vors(creven) meest(er) pet(ere)n in tijts sal laten weten op dat hij aldair/ comen moige of yeman(de) zinden Ende soe wa(n)neer dair e(n)nige vrucht/ dair gevonden sal wordden om inne te doene en(de) te bue(re)n sal de vors(creven)/ wynne des vors(creven) meest(er) pet(er)s deel eer hij tsijne rue(re)n mach inne/ vue(re)n It(em) sal de vors(creven) wynne soe wanneer des vors(creven) meest(er) petere(n)/ deel gedorscht sal wesen tselve gedeelte te loeven(en) tsijne(n) huys leve(re)n/ ende desgelix alle dande(re) vruchten des vors(creven) meest(er) pet(er)s opde voirg(enoemde)/ goede wassen(de) dairt den vors(creven) meest(ere)n pet(ere)n gelieve(n) sal It(em) es vor/ weerde dat de vors(creven) wynne den voirs(creven) t(er)mijn lanc due(re)nde hebben/ sal voer uut den bogairt acht(er) dwinhof te overhem Behoudelijc dat/ de selve meest(er) pet(er) hebben sal alle dooft vanden eene(n) [appel]boome geheeten/ rabauwe der ii rabauwe boome(n) inde(n) selve(n) bogairt staen(de) den welke(n)/[van beiden] hij kyesen sal willen It(em) sal de vors(creven) wynne alle jae(re) sijne(n) termijn/ due(re)nde wel en(de) loflijc mergelen twee boend(ere)n lants en(de) niet myn en(de)/ des sal de vors(creven) meest(er) pet(er) hem een hulpe setten alsoe lange als hij/ mergelt It(em) sal de vors(creven) wynne alle jae(re) hebben sijne(n) t(er)mijn due(re)nde/ twee dach(mael) lants inde(n) somerart om d(aer) op te saeyen des hem gelieve(n) sal niet vand(en)/ archste(n) noch vanden beste(n) lande te sijne(n) p(ro)fite It(em) sal de vors(creven) wy(n)ne hebbe(n) va(n) meest(er)/ pet(ere)n alle jae(re) sijne(n) t(er)mijn due(re)nde iiii[c] schoeve harts stroes tot sijne(n) scape(n) en(de) sal/ de wy(n)ne mote(n) coepe(n) alle jae(re) desgelix tege(n) den selve(n) meest(er) pet(ere)n oic ii[c] schroeve/ wint(er) stroes tot sijne(n) scape(n) en(de) dat sal hij moge(n) v(er)dyene(n) aende(n) selve(n) meest(er) pet(ere)n/ het sij aende thiende ald(aer) oft and(er)s alsoet de(n) vors(creven) meest(er) pet(ere)n gelieve(n) sal en(de) voir/ elke(n) hoope te vijf scoeve wint(er) en(de) somer stroes sal de vors(creven) wy(n)ne va(n) meest(er)/ pet(ere)n hebben ix s(cellingen) pay(ments) It(em) es vorweerde dat de vors(creven) wynne alle de voesteringe
//
vand(en) vors(creven) goede(n) etten sal met sijne(n) beeste(n) en(de) te meste maken en(de) dat mest vuere(n) op tvors(creven)/ lant tslants meeste(n) p(ro)fite en(de) nerge(re)ns elde(r) It(em) sal de vors(creven) wy(n)ne de vors(creven) lande wy(n)ne(n)/ werve(n) en(de) mesten meste(n) wel en(de) loflic gelijc reengenote(n) bove(n) en(de) beneden en(de) alle/ die arde late(n) liggen alsoe hij die vint met sijne stucke(n) It(em) en sal de vors(creven) wy(n)ne/ de vors(creven) lande niet moigen hoervruchte(n) sond(er) des voirs(creven) meest(er) pet(er)s (con)sent It(em) sal/ de vors(creven) wynne den vors(creven) meest(er) pet(ere)n alle jae(re) den vors(creven) t(er)mijn due(re)nde geve(n) ii[c] walme(re)n/ om de huysinge d(aer) mede te decken(en) En(de) alsme(n) die ald(aer) verdect sal de vors(creven) wynne den/ werclieden den montcost geve(n) en(de) meest(er) pet(er) sal de dachue(re)n betale(n) It(em) sal de vors(creven)/ wy(n)ne den besloten(en) wijnhof te overhem geleg(en) aent aerbroeck sijne(n) t(er)mijn lanck/ due(re)nde hebben te pachte alle jair voer tweelf molevate(n) harts core(n)s d(er) mate(n) van/ loeven(en) It(em) sal de voirs(creven) wynne zijne(n) t(er)mijn lanc due(re)nde alle de vors(creven) lande besayen/ na dat elc jaer vand(en) arde eyssce(n) sal op sijne(n) cost It(em) sal de voirs(creven) wy(n)ne jairlix de(n) vors(creven)/ meest(er) pet(ere)n halen in sijn huys ald(aer) een voed(er) houts opde(n) bosch en(de) des sal de vors(creven) meest(er) pet(er)/ thout betale(n) It(em) en sal de vors(creven) wy(n)ne binnen(n) de(n) vors(creven) t(er)mijn gheen ande(r) lande moigen/ houde(n) in pechting(en) oft andersins sond(er) (con)sent des vors(creven) meest(er) pet(er)s It(em) sal de vors(creven) wy(n)ne/ altoes moten houden vijftich scape en(de) niet min zijne(n) t(er)mijn due(re)nde It(em) sal de vors(creven) wy(n)ne/ hebbe(n) vand(en) vors(creven) meest(er) pet(ere)n in pechtingen en(de) jaerhue(re)n den vors(creven) t(er)mijn due(re)nde/ den groten beemt voir tgroot huys geleg(en) jairlix om tweelf scilde te xiiii st(uvers)/ tstucke te sinte lucien misse te betalen It(em) sal de vorscr(even) wynne de vorscr(even)/ beemde bevreeden ende die beken veghen ende jairlix ruymen wel en(de)/ loflic op sijne(n) cost It(em) sal de vors(creven) wynne hueschelijc truncken willege(n)/ ende popele(re)n gehoedt sijnde sond(er) e(n)nich opgaen(de) hout te moge(n) truncken/ Behoudelic dat hij niet en sal moigen truncken aenden bijvanc vanden/ huyse ter quad(er)bruggen It(em) meest(er) pet(er) sal voer hem uut behoude(n) den/ besloten(en) hof op dvloc voe(r) der quaderbrugge(n) en(de) dien sal de wy(n)ne werve(n)/ wynne(n) en(de) bedrive(n) alle jae(re) maer meest(er) pet(er) sal den zaet d(aer) af levere(n) En(de) alle/ ande(re) huysinge(n) die toverhe(m) staen sal de wynne hebben It(em) sal de vors(creven) meest(er)/ pet(er) leene(n) den vors(creven) meest(er) pet(ere)n wynne eens iiii sacke even(en) die en(de) die sal/ de vors(creven) wy(n)ne den vors(creven) meest(er) pet(ere)n betalen als den grote(n) art somercore(n) yerst/ werf hebben sal It(em) noch drie sacke rocx tot nae den oeghst naestcomen(de)/ It(em) vi mol(evaten) grauw(en) erwete(n) en(de) vi molevate(n) crucken oic tot nae de(n) oeghst/ naestcomen(de) It(em) vier molevate(n) witt(er) erweten thien hope erwete(n) en(de) sesse/ hoepen crucken tsijne(n) tot sijne(n) afsceiden dwelc hij al alsoe wed(er)ome den/ vors(creven) meest(er) pet(ere)n restitue(re)n sal Ende alle dese vorweerd(en) (con)dicien en(de)/ gelufte(n) vors(creven) (et)c(etera) cor(am) roel(ofs) couck(eroul) m(ar)tii xviii