Opden dach van heden sijn come(n) voir den rade vander stad/ adriaen vand(er) steynemoelen wettich sone jans wilen vander steyne/ moelen die hij hadde van jouffr(ouwen) jehanne(n) wile(n) vand(er) wijct/ en(de) jan vander poirte(re) man ende mo(m)boir marie(n) vand(er) steyne(n)/ moelen zuster des vors(creven) adriaens bringende met hen drie/ c(er)tificacie(n) deen vand(er) stad van ghind dand(er) vander stad/ van antwerpen en(de) de derde vand(er) stad van mechelen dair/ af de tenue(r) va(n) woerde te woerde hier na volgen Allen/ den ghene(n) die dese p(rese)nte cedulen l(ette)ren selen sien oft hoire(n) lesen/ scepen(en) ende raid vander stede van ghend saluyt uut dien dat/ recht wille en(de) redene bewijst datme(n) orconde warachtige saken/ talle(n) tide alsmens versocht is Soe eist dat wij dies versocht/ zijnde orconde(n) ende certifiere(n) met waerheden dat up de(n) dach/ va(n) hede(n) datu(m) va(n) desen voir ons come(n) is in p(ro)pren p(er)sone/ jorijs bourel onse poort(er) Ende heeft acht(er)volgende den co(n)sente/ dat zijn medegesellen mo(m)boirs vande(n) kynde(re)n van wile(n) ja(n)ne/ van steynemuele(n) gedaen hebben Angaende den beleytsbrieven/ vande(r) voirs(creven) kijnde(re)n also ons anbrocht es ingelijcx zijn conse(n)t gedaen/ in also v(er)ren alst hem angaet dat de voirs(creven) kijndre(n) haerl(iede) beleyts/ brieve(n) hebben zulle(n) en(de) gebruken volgende den rechte(n) en(de) costume(n)/ in gelike(n) saken onderhouden Twelke wij elken betekene(n) bij dese(n)/ ten sine dat elc vand(er) waerheit geadv(er)teert soude zijn gegeve(n)/ in kennessen der waerheden onder den zeghel van saken der/ voirs(creven) stede van ghend den xiii[te(n)] dach va(n) wedemaent int jaer/ xiiii[c] viere ende tsestich It(em) allen den ghene(n) die dese lette(re)n/ sullen sien oft hore(n) lesen ende sunderlinge den eerbe(re)n en(de) wisen/ burg(er)meeste(re)n scepen(en) en(de) raid der stad va(n) loeven(e) onse(n) lieven en(de)/ zunderlinge geminde(n) vrienden burg(er)meest(er)s scepen(en) en(de) raide vand(er)/ stad va(n) antwerpen saluyt met ke(n)nisse(n) d(er) waerheit wij doen/ te wetene ende c(er)tifice(re)n voir de gerechte waerheit dat opden/ dach va(n) heden datu(m) va(n) desen voir ons geweest heeft in/ p(ro)pren p(er)sone henric hemelrijcx onse ingesete(n) poirte(r) voe(r) hem/ selve(n) ende inden name en(de) als ma(n) ende mo(m)boir va(n) jouffr(ouwen)/ lijsbette(n) sbusschers jans dochter wilen zijnre huysvrouwe(n) die/ hij midts zeke(re)n nootsaken en(de) om dat hij huden sdaighs van/ kinde bleve(n) is en(de) oec midts de(n) consente dat zij he(m) d(aer) toe
//
gegeve(n) heeft soe hij ons seyde hier inne geloofde te vervane/ Ende bekinde dat hij gewillekuert heeft en(de) geco(n)senteert/ willekuerde ende consent(er)de voir hem en(de) inde(n) name van/ zijnre voirs(creven) huysvrouwe(n) dat adriaen van steyne(n)moele(n) en(de)/ jan vander porte(re) zijn zwagh(er) ingesete(n) poirtere(n) d(er) stad va(n)/ mechlen selen moege(n) trecke(n) en(de) hen vuege(n) bijde wethoud(er)/ vand(er) stad va(n) loeven(e) en(de) aldair heijsche(n) en(de) gecrige(n) alsulke beley/ brieve als tande(re)n tiden voir scepen(en) va(n) loeven(e) gepass(er)t zijn/ d(aer) mede de voirs(creven) jan de bussche(re) godev(ar)t van steyne(n)muelen/ jan heergod en(de) jorijs boureel als mo(m)bore(n) en(de) tot behoeff van/ wilen jans va(n) steynemuelen kijnde(re)n toe geleit zijn tot zeke(re)n/ goeden inde voirs(creven) brieve d(aer) af gemaect begrepen toebehoirende/ wilen johanne(n) vand(er) wijct des voirs(creven) jans huysvrouwe en(de) d(er)/ voirs(creven) kijnde(re) va(n) steyne(n)muele(n) moeder om d(aer) mede te doene tgene/ des behoire(n) sal En(de) des torconde(n) soe hebbe(n) wij burg(er)meest(ere)n/ scepen(en) en(de) rade voirs(creven) de(n) zeghel te(r) sake(n) d(er) voirs(creven) stad va(n)/ antwerpe(n) op dese(n) brief doen drucken int jaer xiiii[c] en(de) lxiiii/ xi dage(n) in augusto It(em) allen de(n) gheve(n) dien dese l(ette)ren ge/ thoent sele(n) worden en(de) sund(er)linge den eerbe(re)n en(de) besceydene(n)/ burg(er)meest(er)s scepen(en) en(de) raid d(er) stad va(n) loeven(e) onsen lieve(n)/ geminde(n) vriende(n) co(m)moingimeest(er)s scepen(en) en(de) raid d(er) stad/ van mechlen salut en(de) alle vrientscap met kinnesse(n) d(er) w(ar)h(eit)/ Wij doen te wete(n) en(de) orconde(n) oec voir de gerechte waerh(eit)/ dat opde(n) dach va(n) hede(n) voir ons in p(ro)pren p(er)sone geweest/ hebben katlijne smeedts wed(uwe) wile(n) godev(ar)ts va(n) steynemuele(n)/ zegher va(n) steynemoele(n) hue(r) zone en(de) oec meester jan de leeuw/ gielijs va(n) ghestele en(de) claes ca(m)pyoen als mo(m)bore(n) en(de) inde(n) name/ va(n) ja(n)ne willeme lodewijc pete(re)n godev(ar)t katheline(n) marie(n) en(de)/ marie(n) onv(er)jaerde kijnde(re)n vande(n) voirg(enoemde) wile(n) godev(ar)de en(de) ka(telij)[ne]/ smeedts zij(n)d(er) huysvrouwe(n) alle onse medeporte(re)n en(de) medepoir/ terssen Ende hebbe(n) uut hue(re)n vryen wille geconsenteert en(de)/ gewillekuert dat adriaen van steynemoele(n) en(de) jan vand(er)/ poirte(re) oec onse poirte(re)n bring(er)s va(n) desen selen moegen/ trecken en(de) hen vueghen bij de voirs(creven) wethoude(re)n vander/ stede va(n) loeven(e) en(de) ald(aer) eysschen(de) en(de) gecrige(n) alsulke beleyde/ brieve tandere(n) tiden voir scepen(en) va(n) loeven(e) gepasseert d(aer) mede/ de voirg(enoemde) wile(n) godev(ar)t jan h(e)regod jan de bussche(re) en(de) jorijs/ boureel als mo(m)bore(n) en(de) tot behoef va(n) wile(n) jan van
//
steynemoelen kijnde(re)n toe geleidt zijn tot zeke(re)n goede(n) inde voirs(creven)/ brieve d(aer) op gemaect claerlik(er) begrepen i toebehoiren(de) wilen/ johanne(n) vand(er) wijct des voirs(creven) wilen jans huysvrouwe(n) en(de)/ d(er) voirs(creven) kijnde(re)n va(n) steynemoelen moeder om d(aer)mede te/ doene tgene des behoiren tal sond(er) argelist En(de) des torconde(n)/ hebbe(n) wij den zeghel te(n) saken vand(er) voirs(creven) stad va(n) mechele(n)/ doen drucken op dese br(iev)en die gemaect ware(n) opde(n) ix dach/ van augusto int jaer ons he(re)n xiiii[c] lxiiii Begheren(de) en(de) v(er)sueken(de)/ te hebben en(de) te gecrige(n) als oer en(de) erfgename d(er) voirs(creven) jouffr(ouwen)/ johanne(n) vand(er) wijct alsulke(n) scoutbr(ieve) en(de) beleyt als de voirs(creven) jouffr(ouwe)/ bekint heeft tandere(n) tide(n) te wete(n) julii sexta a(nn)[o] xlii janne de bussche(re)/ en(de) janne h(er)got vand(er) so(m)me va(n) vii[c] l(i)b(ra) oud(er) gr(oten) torn(oise) te hue(re)r/ manisse(n) tot behoef va(n) hen en(de) tot behoef godev(ar)t vand(er) steyne/ moelen en(de) jor(ijs) boureel te bet(alen) (et)c(etera) bekint heeft dair toe/ de voirs(creven) jan de bussche(re) en(de) ja(n) h(er)got inde(n) name als voe(r) geleit/ ware(n) opde(n) ix[te(n)] dach d(er) voirs(creven) maent van julio Wair om/ bij de(n) rade vand(er) stad no(ta)belijc v(er)gadert de voirs(creven) c(er)tificacien en(de)/ onse registren gevisenteert ov(er)drage(n) en(de) geslote(n) waert datme(n)/ de voirs(creven) brieve(n) scrive(n) bezeghele(n) en(de) de(n) voirs(creven) adriane en(de)/ janne ov(er)levere(n) soude Actu(m) in pleno (con)silio augusti xvii