Het sijn comen te rechte inde banc voer meye(r) en(de) scepen(en) van loven(e) roelof/ roelofs als aenlegge(r) in deen sijde ende her jan van sinte guerix ridde(r) verweerde(r)/ in dande(re) Aldair die voirs(creven) roelof den voirs(creven) [he(re)n] janne aensprac seggen(de) dat hij/ hem onlanx vercocht heeft zeke(re)n chijs manschapen met heerlich(eiden) en(de) anderen/ toebehoirte(n) op alrehande gronde diversen p(ar)tien toebehoiren(de) te he(re)nt ende/ dair omtri(n)t geleg(en) en(de) dair af gespecificieert stuc voer stuc en(de) geloift waer/ scap nae der stad recht gelijc desselfs roelofs scepen(en) brieve van loeven(e) hier/ af gemaict vand(er) daet xiiii[c] drientsestich octobr(is) sexta claerlic uutwijse(n)/ Inden welken ond(er) den ande(re)n de selve h(er) jan den selve(n) roelofve v(er)cocht en(de)/ v(er)nuemt heeft achtien pe(n)ninghe bone en(de) veerthien halst(er) even(en) erflic staen(de)/ aen ende op elf dach(mael) lants tscloest(er)s van percke geleg(en) in een block te/ he(re)nt voe(r) die poerte vand(en) hove van tuydekem tusscen die goede desselfs/ roelofs over alle sijden Ende om dat de vors(creven) roelof inde vors(creven) p(ar)ceele/ van chijse gebrec vyndt ende dair af niet en heeft moigen betalinghe/ gec(ri)ghen noch dat hij oec nyet en vyndt dat ter voirs(creven) plaetsen voer/ sijn hof e(n)nich lant leecht dat den voirs(creven) cloeste(r) van p(er)ke toebehoirt/ oft oic d(aer) e(n)nich lant gehadt heeft bynnen mans gedinckenissen Soe/ hoepte hij ende seyde dat de voirs(creven) h(er) jan gehoude(n) sijn soude hem den/ voirs(creven) onderpant den voirs(creven) goidshuyse vand(en) p(er)ke toebehoiren(de) te bewijse(n)/ en(de) te v(er)cle(re)n dat hij besorcht sij ende soe vele te doen dat hij tot beta/ lingen van des hem v(er)cocht es ende hij wael ende dyere betailt heeft/ comen moige want anders hij schamelic toequame soude hij betalen/ des hij niet gecrijghen mochte Seyde oic dat hij noch meer gebrecx ind(en)/ voirs(creven) v(er)coepe(n) en(de) sijne(n) geluften van waerscape beveynt dair af hij ten/ eynde van desen oic protesteert den voirs(creven) he(re)n janne aen te spreken/ nyet myn om dat hem nyema(n)t inden mont sien en soude Soe p(rese)nteert/ hij den selven he(re)n janne voir alle vo(n)niss(en) hij neme den voirs(creven) coep/ int geheele wed(er)o(m)me over ende restitue(re) hem sijn pe(n)ninghe die hij/ d(aer) o(m)me uutgegev(en) heeft hij wilt(er) mede te vreden sijn en(de) hem die/ rinte(n) wed(er) over goeden oft hij gheve hem sijn pe(n)ninghe(n) van desen
//
p(ar)ceele alleene weder nae advena(n)t inden coep hij wilt d(aer) mede oec/ te vreden staen Dair op de voirs(creven) her jan hem verantweerden(de)/ seyde dat hem van dier aenspraken ze(re) verwonderde aengesien dat/ den selven chijs nae begrijp vanden rollen ende boeken d(aer) af wesen(de)/ steet ende van ouden tiden gestaen heeft op tvors(creven) stuc lants in/ sijnd(er) waerscap genoemt ende dat tgoidsh(uys) vand(en) p(er)cke over dertich/ jair ende daige en(de) d(aer)enbove(n) dien vand(en) selven goeden hem ende/ sijnen vorde(re)n heeft betailt Dwelc hij onder meer ande(re) pointe(n)/ dyenen(de) tot sijne(n) rechte alse hij meynde boot te thoene(n) hopen(de) waer/ hij die gethoene(n) conste dat de voirs(creven) roelof te vroech op wae(r) ende/ verdoelt maer volghde sijne(n) rollen boeken ende onderpande(n) des/ hij hem tot noch niet en hadde gepijnt ende als hij de vors(creven) rinte/ met rechte v(er)loren hadde soe p(rese)nteerde hij te doen des recht soude/ wesen ende hem te vueghen nae des bij vo(n)nisse gewijst soude/ werdden hoopen(de) d(aer) mede te gestaene Aldair ten uut(er)sten nae/ aensprake ende v(er)antweerd(en) van beyden p(ar)tien die vors(creven) her/ jan gewijst w(er)t tot sijne(n) thoenisse dwelc hij tot eenen sekeren/ daige dair toe gesedt leydde Ende d(aer)entynden ende te(n) uut(er)sten/ hebben die he(re)n scepen(en) van loeven(e) ter maniss(en) smeyers gewijst voer/ een vo(n)nisse [nae aensprake v(er)antw(er)de(n) va(n) beyden p(ar)tie(n) en(de) thonisse des vors(creven) h(er) jans] soe verre die voirs(creven) her jan egheen vand(en) vors(creven)/ p(rese)ntacien des voirs(creven) roelofs aen en neempt dat hij dan gehoude(n)/ sijn sal den onderpant van des(er) den vors(creven) roelofve te bewijsen/ nae inhoudt sijnder brieve p(rese)ntib(us) om(n)ib(us) scabinis dempto meldert/ nove(m)br(is) xxii