It(em) met desen brieve heeft de voirs(creven) jan bogart geconsenteert/ dat de voirs(creven) drie p(er)sone die zijn borge zijn in des(er) sake(n) voirs(creven)/ oft e(n)nich va(n) hen selen oft sal hem altijt moege(n) behulpe(n) met/ rechte om costeloes ende scadeloes onthave(n) te werden op alle/ zijn goede have en(de) erve soe wair die belege(n) zijn vand(er) sake(n) en(de)/ borchtochten voirs(creven) om die te v(er)coepe(n) en(de) te(n) hoochsten te bringe(n)/ Ende heeft geconsenteert de voirs(creven) jan bogaert oft hij van/ zijne(n) goede(n) binne(n) middele(n) tide e(n)nige v(er)cochte dat de pe(n)ni(n)ge/ dair af comende in huere(n) hande(n) come(n) selen ter ontlastingen van/ des voirscr(even) steet eisd(em)