Achtervolgende en(de) in meerder claernessen der borchtocht die laureys/ van wynghe en(de) henric van buetschore gedaen hebben den xvii dach va(n)/ decembri lestleden aen hugen van udekem lieutenant in absencien vand(en)/ meye(r) van loven(en) van ons gened(ichs) he(re)n ts(er)togen wegen vanden goeden/ meester jans stockelpot doctoirs in medicinen onder ons geregistereert/ staende Hebben de selve laureys en(de) henric geloeft ongesundert/ janne van coudenberge als principael p(ar)tie des vors(creven) meest(er) jans/ zoe wes cost oft last van rechte de selve jan van coudenb(er)ge gehadt/ oft geleden heeft om te vervolgen dinhout en(de) dexecucie vander/ termijnacie vorsmaels int jair van liii junii xxiii gelopen dat/ zij alle dien cost en(de) last den selven janne van coudenb(er)ge opleggen/ en(de) betalen zullen ter ordinancien en(de) groetsingen vanden raide der/ stat van loven(en) also saen en(de) vollic als de stat hue(r) uutsprake ende/ t(er)minacie d(aer) op sal hebben gedaen als verrente schout abs(oeloens) naus(nydere)/ decembris xxii