Cont zij allen lieden dat wouter goird ende jan zeems gebrued(ere)n/ ende arnd philips hue(r) zwagher in p(rese)ncia hebben genomen ende/ bekent dat zij genomen hebben van johannese van rode als p(ro)cur(eur)/ en(de) gemechticht vanden goidshuyse van p(er)cke thof des selfs goidsh(uyse)/ tsi(n)te pet(er)s vissenake geleg(en) metten wynnen(de) landen beemde(n) ende/ eeusselen bosschen wate(re)n en(de) allen zijne(n) toebehoirte(n) Te houde(n) te/ hebben ende te wynne(n) van halfmeerte dat was a(nn)[o] sexagesi(m)o/ eene(n) t(er)mijn van sesse jae(re)n lanc due(re)nde deen nae dande(re) stapha(n)ts/ sonder middel volgen(de) Elx jairs d(aer)enbinne(n) o(m)me en(de) voe(r) alle(n) den/ last uut den vors(creven) goeden gaen(de) ende om xv achthien rinsche/ gul(den) ts(in)t andriesmisse apostels te betalen en(de) te perck vors(creven) te/ leve(re)n alle jae(re) den vors(creven) t(er)mijn due(re)nde q(u)[o]l(ibet) ass(ecutu)[m] It(em) es vorweerde/ dat de vors(creven) reyne(re) ende sijn sone [winnen] de vors(creven) lande laten selen te/ hue(re)n afsceiden gelijc sijse vonden te hue(re)n incomen Te weten den/ wint(er)art besayet met rogghen op vier getidege vore(n) en(de) de/ stortte en(de) de brake eens o(m)me gedaen It(em) es vorweerde dat/ de vors(creven) wynnen de huysinghen vande(n) vors(creven) hove wel ende/ loflijc houden selen vander uuderster rijkelen nederweert uut/ genome(n) van steene(n) ende platen It(em) selen die selve wynnen/ int vors(creven) hof leve(re)n alle jae(re) ii[c] walme(re)n goet en(de) costbair om/ ald(aer) te verdecken ende van dien v(er)decken en(de) van alle(n) and(ere)n/ ouden wercke selen de wynne(n) den wercliede(n) de(n) montcost geve(n)/ en(de) tvors(creven) cloest(er) de dachue(re)n betale(n) en(de) in dien wercke zelen/ de wynnen gehoude(n) zijn hout leem en(de) steene aen dwerck te/ vue(re)n op datmens behoift eve(n)verre die binne(n) sdorps geleg(en)/ zijn en(de) and(er)s niet en(de) dair toe sal tvors(creven) cloest(er) de stoffe mote(n)/ leve(re)n sond(er) cost vand(en) vors(creven) wynne(n) It(em) va(n) nyeuwen wercke/ van des dair int hof nu niet en es en(de) men aldair mochte/ doen wercken dat sal tgoidshuys moten doen op sijne(n) last en(de)/ and(er)s niet It(em) selen de wynne(n) alle jae(re) setten opde vors(creven) goede
//
xxv levende poote(n) te(n) meeste(n) profite en(de) die verdoirne(n) en(de) verdoirnet/ houde(n) voir de beeste(n) Ende oft d(aer) e(n)nige boome v(er)droighde(n) die/ sale(n) de wynne moigen uutroden en(de) voir elken v(er)droighde(n) boem/ twee levende pote(n) setten vanden selve(n) arde It(em) selen die wy(n)nen/ alerhande opgaende boome(n) moigen sleenen en(de) ande(r) moige(n) stru(n)cke(n)/ ter minster schaden en(de) ten meesten profite It(em) en moige(n) de vors(creven)/ wynnen gheene vand(en) vors(creven) goeden van hue(re)n weghen voirt/ uutgheven sond(er) (con)sent vand(en) vors(creven) goidshuyse It(em) sele(n) de wy(n)ne(n)/ tot hue(re)n afsceiden delbosch bloot laten It(em) selen de vors(creven) wynne(n)/ de vors(creven) lande alle sesse jae(re)n eens overmesten wel ende loflic nae/ usaige vand(en) dorpe ende alle grechten het sij om thuys gaen(de)/ oft aende beemde wel en loflic ruyme(n) en(de) veghen eens tsjars/ den vors(creven) t(er)mijn due(re)nde en(de) die alsoe te hue(re)n affsceid(en) geruymt/ laten ende de grechte om tvors(creven) hof gaen(de) ongespijst laten/ Voirt selen die vors(creven) wynne(n) late(n) int vors(creven) hof vijftich hoope/ stroes half wynt(er) en(de) half zoomer stroe ende mest weert sijnde/ drie guld(en) te x stuv(er)s tstuc drie cleyne lede(re)n en(de) een krue/ weert sijnde xvi stuv(er)s Ende alle dese vorweerd(en) cor(am) col(onia)/ couck(eroul) febr(uarii) ulti(m)a