It(em) rombout de pilike woenen(de) te wackersele in deen zijde/ jan decoste(re) wille(m) ymbrechts en(de) henr(ic) vand(er) porte(n) zijn zwagh(er)s/ woenen(de) te crayenhe(m) in dande(re) die zeke(r) questie en(de) geschille/ und(er)linge hadde(n) uut sake(n) van zeke(re)n erfgoede(n) gelege(n) binne(n)/ de(n) lande va(n) brabant hen v(er)storve(n) en(de) gebleve(n) na de doot/ en(de) aflivich(ei)t willems wilen ymbrechts die in zijnre tijt/ woenachtich was te wespelair sijn dair af bij ond(er)wise en(de)/ tussce(n)spreke(n) va(n) hue(re)n vriende(n) d(aer) af mijnlijc v(er)accord(er)t en(de)/ ov(er)come(n) d(er) poente(n) en(de) (con)dicie(n) na bescr(even) die zij gelooft hebbe(n)
//
voir hen hue(re)n erve(n) en(de) nacomelinge(n) vast gestentich en(de) onv(er)brekelijc/ tond(er)houde(n) en(de) deen de(n) andere(n) d(aer) af te voldoen tot ewige(n) daghe(n)/ Inde(n) yerste(n) soe heeft rombout ov(er)gegeve(n) allet recht actie en(de) aensp(ra)ke/ dat hij heeft oft e(n)nichssins hebbe(n) mach inde(n) goede(n) voirs(creven) en(de) des/ dair aen cleeft geloven(de) dat hij die peyslijc en(de) vredelijc en(de)/ va(n) he(m) h ongehind(er)t sal late(n) volge(n) zijnre voirs(creven) p(ar)tie(n) hue(re)n erve(n)/ en(de) nacomelinge(n) scelden(de) volcomelijc quite allet recht dat hij/ dair aen heeft oft hebben mach p(ro) c(er)to p(re)cio de q(u)[o] sat(is)f(actum)/ En(de) heeft gelooft dat hij sond(er) zijne(n) cost de vors(creven) zijn p(ar)tie t(er)/ manisse(n) va(n) hen [a..?] d(aer) inne goede(n) en(de) vestige(n) sal voir hoff en(de)/ he(r) d(aer)i(n)ne die af houden(de) is Et t(antu)m cor(am) m(er)cels burg(imagistro) m(ar)tii xi