It(em) de voirs(creven) guedinge de(n) voirs(creven) twee p(er)sone(n) gesciet sal blive(n)/ ond(er) scepen(en) van loeven(en) de dien ynde en(de) meyni(n)ge(n) dat zij hen met/ v(er)coepe(n) d(er) voirs(creven) goede(n) en(de) rente(n) en(de) bij kercgebode oft hen orb(er)lijcst/ dochte aende selve hen selve(n) lossen en(de) ontlasten sele(n) moegen/ va(n) allet tgene des de voirs(creven) wout(er) en(de) vrancke tsame(n) oft bezund(er)/ voir de(n) voirs(creven) lod(ewijcke) gelooft en(de) v(er)borcht hebben voir scep(enen) va(n) lov(en)/ en(de) alsoe wale oec ande(re) p(er)sone die mede met hen voir de(n) selve(n)/ lod(ewijcke) te borghe staen als hen selve(n) en(de) so v(er)re inde(n) scep(enen) brieve(n)/ voirs(creven) de voirs(creven) lod(ewijc) hen gelooft heeft scadeloes tontheffe(n) tot/ desen sele(n) zij mette(n) voirs(creven) goede(n) en(de) tv(er)coepe(n) d(aer) selver losse(n)/ en(de) oec q(ui)ten die x r(insche) gul(den) lijfpe(n)sien dieme(n) gorde pirart/ jaerlijcx sculdich is al eist dat de selve lod(ewijc) die niet mede/ gelooft en heeft want de voirs(creven) lod(ewijc) gekint heeft de p(ri)ncipale/ pe(n)ninge van dien gehave(n) te hebbe(n) en(de) gekint die sculdich/ te wesen en(de) soe wes aen de selve goede ov(er) schote dat sal/ volge(n) de(n) voirs(creven) lod(ewijc) zijne(n) erfgename(n) oft den ghene(n) dien hij/ dat dispone(re)n sal in zijne(n) testame(n)te te blive(n) cor(am) eisd(em)