Allen den ghenen die dese l(ette)ren sullen sien oft horen lesen burg(er)meeste(re)n/ scepen(en) en(de) raide der stat van loven(en) saluyt Doen cont en(de) te weten dat/ opden dach datum van desen voir ons comen es meester jan lobbe licenciaet/ in decret(en) secr onse getruwe secretaris ende heeft geconstitueert/ gesedt volcomen macht procuracie et auctoriteit gegeven [ad revoc(ationem)] henricke/ vander hoeven gielise vanden eynde arnoldu(s) brau geheten vander/ straten janne beye(re) en(de) janne daneels oft den eenen van hen bring(er)/ des briefs alle alsulke(n) saken en(de) questien als de vors(creven) meester jan/ uutstaen(de) en(de) hangen(de) heeft tegen baudewijne smale hee(re) van roux/ miroir en(de) he(re)n henricke van ophem [ridder] uut causen van brieve(n) van/ truwen [en(de)] ee(re)n en(de) leystingen [en(de) ande(re)n mummente(n)] bij hem beseghelt die de vors(creven) meest(er)/ jan als momboir zijns wijfs op hen spreken(de) heeft oft namaels/ hebben soude mogen in wat gericht dat zij gheestelijc en(de) weerlic En(de)/ Alle en(de) yegewelck sijn jairgulde opcomingen en(de) vervallen zijn/ goede beruerlic en(de) omberuerlic chisen renten pachten als hij/ heeft oft namaels hem vallen sal oft gevallen sal inden lande/ van brabant oft elder te wat plaetsen hij die uutstaen(de) heeft en(de)/ men hem die sculdich is oft namaels wesen sal die aente/ spreken te verantwerden te bescudden te conteste(re)n te decline(re)n/ te excipie(re)n en(de) te reco(n)venie(re)n alle gescriften en(de) libellen over/ tegheven te neme(n) te replice(re)n te duplice(re)n also wel int prin/ cipael als int accessoir also dicke en(de) menichwerven als/ des te doen sal zijn getuygen met rechte versueken bedwonge(n)/ te worden tot hue(re)r deposicien en(de) die te leiden d(er) weder/ p(ar)tien getuygen te sien zwe(re)n die te batteren en(de) hue(re) deposicie/ te wederleggen also dicke en(de) menichwerve(n) als behoeven/ sal composicie en(de) mynlike effeninghe van al des vors(creven)/

is te maken den sculders van des zij oft e(n)nich van hen/ Ende vortaen generalic en(de) specialijc [in] allet ghene des dese/ procuracie begrijpt te doen en(de) te vorde(re)n des de vors(creven) meest(er)/ jan selve doen soude oft hij telcker tijt tegenwordich en(de) voir/ oghen wae(re) Geloven(de) voir ons in goeden truwen de vorscr(even)/ meest(er) jan goet vast gestentich en(de) van weerden te houden/ allet ghene des bijden vors(creven) procur(eur)s [aut] in des vors(creven) steet/ gedaen en(de) gevord(er)t sal worden in e(n)niger wijs Behalven dat/ de selve p(ro)cur(eur)s en(de) een yegelic van hen van hue(re)n vors(creven)/ bewinde den vors(creven) meest(er) janne gehouden sullen sijn goede rekeni(n)ge/ betalinge en(de) bewijs te doen act(um) febr(uarii) xxi