It(em) jan vand(er) strate(n) led(er)touwe(re) sone wile(n) jans in p(rese)ncia heeft gekint/ ende gelijdt dat hem volcomelijc genoech gedaen is vand(en) zoene(n)/ oft dootslage die jan soncke van aelst en(de) heyne(n) bosch woenen(de) taelst/ voldere gedaen hebbe(n) binne(n) aelst aenden p(er)soen wout(er)s wile(n)/ vand(er) strate(n) wettich brueder des voirs(creven) jans vand(er) strate(n) en(de) dat/ hij de pe(n)ni(n)ge d(aer) af gelijc co(m)posicie va(n) dien gesciet is gehave(n)/ en(de) ontfange(n) heeft uute(n) hande(n) meest(er) jans de haze priesters/ en(de) heeft d(aer) om geheelijc en(de) al quitgescouwe(n) en(de) schelt quite/ de voirs(creven) ja(n)ne en(de) heyne(n) vande(n) voirs(creven) dootslaghe de(n) voirs(creven)/ meest(er) janne ja(n)ne vande(n) bossche ghehete(n) h(er)mans briede(re)/ en(de) alle ande(re) die van desen oft dese(n) e(n)nichssins aencleven(de)/ quitancie behove(n) soude(n) moeghe(n) P(ro)mitt(ens) null(atenus) alloq(ui) s(ed) war(andizare)/uutgesceyde(n) d(er) calaengie(n) zijnde vande(n) erzete(re) oft cyrurgijn/

af te doene Welke calaengie geresen is om deswille dat cor(am)/ willem(air) vertrike julii xx