It(em) de voirs(creven) jorijs en(de) sijn wijf in p(rese)ncia hebbe(n) geki(n)t en(de) gelijt openbairlic dat zij/ bij meest(er) claese va(n) vucht meest(er) vand(er) reke(n)came(re)n ons gened(ichs) he(re)n ts(er)toge(n) te/ bruessel volcomelic v(er)nuecht en(de) ge(con)te(n)teert sijn mits den vors(creven) geloften die/ meest(er) g(er)lec bonte vors(creven) hen op heden gedaen heeft vand(en) vors(creven) vi ponden/ gr(ote) vleemschs die den selve(n) gehuyssce(n) bij he(re)n jacoppe wile(n) maes p(ri)estere/ in testame(n)te gelaten ware(n) Scelden(de) mits dien volcomelic quite den vors(creven)/ ons(er) gened(ichs) he(re) derfgename(n) des vors(creven) wile(n) he(re)n jacops de testame(n)teurs des/ selfs den vors(creven) meest(er) claese en(de) alle ande(re) actie d(aer) toe hebben(de) Geloven(de) de/ selve h(ier) af ne(m)mermeer aen te spreken te vexe(re)n te moeyen noch e(n)nige aen/ sprake te doene bij hen selve(n) noch nyeman(de) and(er)s in gheene(n) rechte gheestel(ic)/ noch weerlic mair van des(er) q(ui)tancien tegen eene(n) yegeliken goet gerecht wara(n)t/ te sijne en(de) te blive(n) tot eeuwig(en) dagen eisd(em)