It(em) jan v delle sone jacops delle woenen(de) te bossuyt in p(rese)ncia heeft/ genome(n) en(de) bekint dat hij genome(n) heeft van arnde de putte(re) nu t(er) tijt/ knape jouffr(ouwe) vrindelijne(n) van nethenen(en) weduwe ottens wijlen van/ cuyc dieme(n) hiet van hoechstrate(n) hebben(de) volcome(n) p(ro)curacie vand(er)/ selv(er) jouffr(ouwe) thoff der selver jouffr(ouwe) geheete(n) t(er) meer c mette(n) huyse(n)/ hoven schue(re)n bog(ar)den stallen wynnen(de) landen beempde(n) en(de) eeussele(n)/totte(n) da totten selve(n) hove behoe(re)nde en(de) allen ande(re)n hue(re)n toebehoirte(n)/ geleg(en) inde p(ro)chie van bossuyt alsoe v(er)re anthonijs van heze die/ voirmaels en(de) tot noch gehoude(n) heeft Te houden te hebben ende te/ wynnen vand(er) maent van inganc meye naistcomen(de) eene(n) t(er)mijn va(n)/ tweelf jae(re)n lanc v(er)volgen(de) Elx jairs d(aer)enbynne(n) o(m)me en(de) voe(r) tween/ twintich mudden rocx en(de) acht mudde(n) tarwen elx grains goet [een halst(er) erweten]/ een halst(er) roep raepsaets en(de) drie steene vlas elx grains goet en(de)/ payabel d(er) mate(n) en(de) pacht van loeven(en) jairlix tsint andriesmisse/ apostels te betalen en(de) te loven(en) [te leve(re)n] d(er) vors(creven) weduwe(n) o en(de) hue(re)n/ p(ro)cur(eur) aut alt(er)i den vors(creven) t(er)mijn due(re)nde q(u)[o]l(ibet) ass(ecutu)[m] Met vorw(er)den
//
oft de vors(creven) wynne te(n)nigen d(er) vors(creven) t(er)mijne(n) gebreckelic wae(re) van betalen/ des voirs(creven) steet dat dan de voirs(creven) weduwe sal moigen scheeden tallen/ drie jae(re)n oft huer gelieft It(em) sal de voirs(creven) wy(n)ne jairlix zijne(n) voirs(creven)/ t(er)mijn due(re)nde leve(re)n int vors(creven) hof v[c] wal goed(er) costbaer(er) walme(re)/ om die opde huysinge ald(aer) te verdecken en(de) als dat gesciede(n) sal soe/ sal de vors(creven) wynne den werclied(en) den mo(n)tg montcost geve(n) ende/ de vors(creven) weduwe sal de dachue(re)n betalen It(em) alle sal de vors(creven) wy(n)ne/b de vors(creven) huysingen vand(er) underst(er) rijkelen ned(er)w(er)t houden in goeden/ state [op sijne(n) cost] soe v(er)re die van sijne(n) wegen oft sijne(n) beeste(n) gebroke(n) oft verdorve(n)/ wordde(n) en(de) niet voird(er) It(em) allet stroe vand(en) vors(creven) goeden comen(de)/ sal de vors(creven) wynne binne(n) den vors(creven) hove mote(n) etten en(de) te meste/ beke(re)n en(de) dat mest vue(re)n opde vors(creven) lande en(de) egheen ande(re) tslants/ meeste(n) p(ro)fijte It(em) en sal de vors(creven) wynne en sal den vors(creven) t(er)mijn/ due(re)nde gheen ande(re) goede lande dan dese en(de) de sijne oft hij e(n)nige/ selve hadde moigen aenveerden oft houde(n) sond(er) (con)sent der vorscr(even)/ weduwen It(em) sal de vors(creven) wynne zijnen vors(creven) t(er)mijn due(re)nde alle/ de hove bog(ar)den en(de) beemden sculdich sijn wel en(de) loflic te houden/ van grechte(n) en(de) vreeden op sijne(n) cost It(em) want de vors(creven) anthonijs/ van heze die nu vand(en) vors(creven) goede(n) sceyden sal sculdich es den art/ te h grave(n) weert houden(de) x dach(mael) te laten besaeyt wel en(de) loflic met/ tarwen en(de) v noch vi(½) boe(n)der met roggen en(de) vii boend(er) met som(er)/ coirne [en(de) alle dande(re) lande brake] die de vors(creven) wynne [alsoe] aenveerd(en) sal tsijne(n) innecome(n) Soe/ es voirweerde dat hij die alsoe tsijne(n) afsceiden wed(er)o(m)me late(n)/ sal It(em) sal de voirs(creven) wynne zijne(n) voirs(creven) t(er)mijn due(re)nde jairlix/ de vors(creven) lande wynne(n) werve(n) ende mesten wel en(de) loflic gelijck/ reengenote(n) boven en(de) beneden It(em) sal de voirs(creven) wynne jairlix hebbe(n)/ vive ellen wollens lakens tot i levereytabbard vand(en) vors(creven) wed(uwe)/ gelijc zij hue(re)n diene(re)n geve(n) sal En(de) alle dese vorweerd(en) Inde/ sunt fideiussores d(i)c(t)i coloni t(am)q(uam) debitores p(ri)ncipales insolid(e) et indivisi(m)/[georgius delle frater antedicti coloni et] d(ict)us jacobus jamar p(res)b(i)t(e)r muescit(us)? de nethenis et georgius delhe/

frater coloni pred(i)c(t)i renu(n)c(iantes) [o(mn)es inq(ui)t(ur) intit(u)lati sunt] p(ri)vileg(ii) univ(er)sit(atis) et aliis quibuscu(m)q(ue)/ Et p(rim)[(us)] duo insup(er) p(ri)m(us) willem(air) langrode m(ar)tii x