Item vanden stoote die is tusschen woute(re)n van buetschore renu(n)cians/ quoad hec p(ri)vileg(iis) univ(er)sit(atis) op deen zijde en(de) gorde vanden wouwe(re)/ die wynne is opt hof des vors(creven) wout(er)s op zij ghelegen te/ meensele op dande(re) Alse vander pechtingen vand(en) selve(n)/ hove en(de) des dien aencleeft en(de) allen ande(re)n saken die zij tegen/ malcande(re)n tot op desen daghe toe uutstaen(de) mogen hebben/ hebben hen de selve p(ar)tien verbonden en(de) gesubmitteert/ inde segge(re)n en(de) vriendelike effene(re)n te weten(e) de vors(creven)/ wouter in janne van buetsele sijnen swager en(de) clause lodewijx/ en(de) de vors(creven) gort in he(re)n janne van hugarden priester en(de) janne/ cleynbravelt die informacie en(de) alle bescheidt en(de) oic thoenesse/ in weder sijde op dats behoef aenhoe(re)n sullen tusschen dit/ en(de) maendach en(de) hue(re) uutsprake d(aer)af doen bynne(n) xiiii/ nachten naestcomen(de) ofs zijs een worden en(de) inden gevalle/ oft zijs niet en consten verliken zulle(n) de selve segge(re)n de/ sake also die voir hen verhandelt is bringen bynne(n) den/ selven tijde bijden he(re)n scepen(en) va(n) loven(en) om d(aer) af van he(n)/ om den wijn een vo(n)nisse van rechte te hebben Promitt(entes)/ ratu(m) En(de) inden gevalle oft e(n)niger p(ar)tien segg(er) gebrake dat/ zij in die stat and(er) gelike sullen mogen neme(n) Hebben/ de vors(creven) p(ar)tien vort malcande(re)n gelooft wart dat in e(n)nich/ van hen ten vors(creven) maendaghe gebrec wae(re) inde getuygen/ te bringen dat die gebreckelicke den ande(re)n getuyge(n) coste/ sullen dragen Heeft vort gelooft de vors(creven) wout(er) dat/ hij bynne(n) desen middel met zijnd(er) clergien gheen recht/ vorderinghe ov(er) den vors(creven) gorde volgen en sal Hebben vort/ gelooft de vors(creven) p(ar)tien te weten(e) de vors(creven) wout(er) totten vors(creven) getuy/ genesse ten vors(creven) dage te bringen eene(n) p(er)soen en(de) de voirscr(even)/ gort twee p(er)sone langrode v(er)trike junii iiii