Item vanden gedinghe dat geweest is inde banc voir/ meye(re) en(de) scepen(en) van loven(e) tusschen roelove van/

nederhem goedelen van ravescote verwerdere in/ deen zijde en(de) henricke vand(er) horst als aenleggere/ ter ande(re) Dair de vors(creven) henric der vors(creven) goedelen aensp(ra)ke/ seggen(de) dat zij gewandelt hadde int sterfhuys hue(re)r beid(er)/ swegher dair uut sij gedragen hadde alderhande have/ en(de) besunder twee bedden die hij versochte van hair/ weder o(m)me int selve sterfhuys gebracht te hebben totte(n)/ rechte D(aer) op de vors(creven) goedele hue(r) verantwerde en(de)/ dede seggen dat de vors(creven) henric met zijnd(er) aensp(ra)ken/ te hairweert verdoolt wa(r)e mits vo(n)nissen bijden he(re)n/ scepen(en) van loven(e) corts weeghs vand(er) selver saken/ tusschen hen gewijst Dwelc zij begheerde aengehoert te/ hebben en(de) aldair gelesen was Was gewijst bijden he(re)n/ scepen(en) van loven(e) ter manissen smeyers dat de vorscr(even)/ henric met zijnd(er) aensp(ra)ken nade(n) voirvo(n)nisse ter vors(creven)/ goed(en) weert verdoolt wa(r)e mair hadde hij yet te/ volgen dat hij dat dade met rechte P(rese)nt(ibus) o(mn)ibus scabinis/ in scampno junii xxv