Navolgende der uuytspraken vander stadt geschiet decembr(is) xi/ lestleden tusschen henr(icken) hanckairt als aenlegghe(r) ter eender zijden/ ende jacoppe van muysen(en) v(er)werde(r) ter ander aldair de selve henr(ick)/ overgegeve(n) hadde in gescrifte een cedulle vander come(n)scap gesciet/ alsoe hij seyde tussche(n) den selve(n) jacoppe ende hem van desselfs/ jacops woeni(n)ghen metten huyse hove ende allen ande(re)n toebehoirte(n)/ geleghen inde scrijnstrate die hij den selve(n) henr(icken) ten erfchijse/ uuytgegeve(n) hadde alsoe ende op alle de manie(re)n gelijck de selve/ cedulle begreep ende dair op de selve jacop dach van v(er)antw(er)den/ ende copie uuyter selver cedulle(n) begheert hadde die hem mett(er)/ voirs(creven) uuytsprake(n) geconsenteert w(er)t Soe zijn de voirs(creven) p(ar)tien/ comen op hede(n) voirden rade vander stadt teghen malcande(re)n/ aldair de voirs(creven) overgegeve(n) cedulle hier nae van pointe te pointe/ gescr(even) staen(de) overlesen wert ende die alsoe gelesen zijnde kinde/ de voirs(creven) jacop dinhout der selver cedulle(n) behalve(n) alleene drie/ pointen dair inne begrepe(n) die hij ontkinde geschiet te zijne alsoe/ de selve cedulle begreep Ende yerst ontkinde hij tpoint rue(re)nde/ vande(n) erftoeganghe nutscape ende gebruycke vand(en) bornputte staen(de)/ op tscaelgiken vanden ande(re)n verhuerde(n) erve svoirs(creven) jacops dat naest/ den voirs(creven) uuytgeg(even) erve geleg(en) es om dien erftoeganck en(de) dat/ gebruyck te hebben(e) ende te gescien uuyt den voirs(creven) uuytgeg(even) erve/ doer tpoerken staen(de) int muerken die staet tusschen de scaelgike(n)s/ vanden selve(n) v(er)huerde(n) erve ende den uuytgeg(even) erve voirs(creven) seggen(de)/ dair op dat henr(ick) dat point alsoe ondersproken zijnde ne(m)m(er)meer en/ soude conden co(n)nen gethoene(n) Ten ande(re)n male d(air) de cedulle mencie(n)/ maect dat den rinsch g(ulden) van outs uuyte(n) voirs(creven) goede(n) gaen(de) en(de) d(air) op/ hijt warande(re)n soude geseecht was te xx st(uvers) seyde hij [datme(n)] dat alsoe/ oick niet bevi(n)den en soude mair dat dat geseecht was i r(insch) g(ulden)/ sonder van xx st(uvers) te v(er)mane(n) ende ten derden en(de) leste(n) male dair de/ cedulle naeruert dat henr(ick) de sesse pet(er)s erflijck die jacop opde goede/ behielt tzijnder moeyten soude moege(n) aflegge(n) Dwelc jacop principalijck/ ontkinde seggen(de) d(air)op datme(n) het vorw(er)de was dat henr(ick) va(n) dien
//
sesse peters soude moeten afquijten de twee d(air) af van sint jansm(ess)[e]/ naistcomen(de) over i jair de twee d(air) af tsint jansmesse d(air) nae/ ende de leste twee ts(in)t jansmesse d(air) nae dwelc de voirscr(even)/ henr(ick) al ontkinnen(de) bleeft bij dinhoudt d(er) voire genoemder/ zijnder overgegevender cedullen ende den pointen d(air) inne/ begrepe(n) p(rese)nteren(de) die te thoene(n) alsoe dat nae dese(n) thoenisse/ des voirs(creven) henr(ix) aengehoirt zijnde d(air) inne hij zijns v(er)meets/ geheelijck volquam Get(er)mineert ende uuytgesproken w(er)t voire/ reden(en) ende recht dat p(ar)tien malcande(re)n voldoe(n) soude(n) nae/ begrijp der voirs(creven) ov(er)gege(ve)n cedulle(n) In pleno (con)silio dece(m)br(is) xiii