SAL7360, Act: R°130.1-V°130.1 (280 of 661)
Search Act
previous | next
Act R°130.1-V°130.1  
Act
Date: 1466-12-23

Transcription

2019-07-03 by myriam bols
Allen den ghene(n) die dese l(ette)ren selen sien oft hoiren lesen/
burg(er)meste(re)n scepen(en) en(de) raid der stad van loeven(en) saluit doen/
cond en(de) late(n) weten dat op de(n) dach va(n) hede(n) datu(m) van dese(n)/
voir ons come(n) is in p(ro)pren p(er)sone anthonis thonis woenen(de) te/
bruessel en(de) heeft geconstituert gesedt volcome(n) p(ro)cu(ra)cie/
en(de) auc(tori)teit gegeve(n) janne lyart woenen(de) insgelijcx te bruessel/
alsulke questie als de voirs(creven) anthonis uutstaende heeft jege(n)/
lorain daneal woenen(de) te houtain le val uut saken va(n) seke(re)n/
onberuerlike(n) en(de) erflike(n) goede(n) dair inne de selve anthonis/
gegoet is en(de) geerft voir meye(r) en(de) scepen(en) van loeven(en) gelijc/
scepen(en) br(ieve) va(n) loeven(en) d(air) af gemaect maii xxviii a(nn)[o] lix lestlede(n)/
dat volcomelijc inhoude(n) en(de) beg(ri)pen Te verware(n) te mane(n) teyssce(n)/
op te buere(n) en(de) tontfange(n) te pande(n) te dage(n) te beleyden rastem(en)te/
te doen leggen die met rechte texeq(ue)re(n) te v(er)volge(n) en(de) te vorde(re)n/
alle rechtvord(er)nisse d(air) af te neme(n) en(de) te doene na costume gewoente(n)/
ende usagie(n) vande(n) plaetsen dair dat behoire(n) sal oft behoeve(n)/
soude moege(n) de selve sijn saken te (con)testere(n) te declinere(n) te/
excipiere(n) te reco(n)venieren te v(er)antwerden te bescudden te be/
dingen Alle gescrifte(n) en(de) libelle(n) d(air) om ov(er) te geve(n) te nemen/
te replice(re)n te duplicere(n) alsoe wel int p(ri)ncipael als int accessoir/
also dicwile ende menichwerf als dat te doen sal zijn getuge(n)/
met rechte v(er)sueke(n) bedwonge(n) te werde(n) tot huerre deposicie(n)/
die te leyden d(er) wed(er)p(ar)tie(n) getuge(n) te zien sweren die te batte(re)n/
hue(r) deposicie(n) te wederlegge(n) also dicwile en(de) menichw(er)ve(n)/
alst behoire(n) en(de) behoeven sal allet des voirs(creven) steet met rechte/
te wynne(n) en(de) te v(er)liesen de vo(n)nissen va(n) dien alsoe wale int(er)lo/
cutoire als diffinitive te verwachte(n) tgewijsde te v(er)volgen/
ende te doen exequere(n) composicie en(de) mynlike yffeninge/
va(n) all des voirs(creven) is te make(n) volcome(n) quitan(cie) d(air) af te geve(n)/
ende voirtane generalijc en(de) specialijc dair inne te doene/
en(de) te vordere(n) allet des bij de(n) voirs(creven) ja(n)ne lyart anthonijs/
thoenis oft hij telke(n) tide en(de) plaetsen p(rese)nt en(de) jegewoirdich/
ware gedaen en(de) gevordert soude moege(n) werde(n) Gelovende
//
voir ons in goede(n) trouwe(n) de voirs(creven) anthonis vast geste(n)tich goet/
ende va(n) weerde(n) te houden tot ewige(n) daghen allet des bij/
de(n) voirs(creven) p(ro)cur(eur) in de voirs(creven) steet e(n)nichssins gedaen gepro/
cureert ende gevordert sal werden behalven dat de voirs(creven)/
p(ro)cur(eur) de(n) voirs(creven) anthonise sculdich sal zijn van desen zijnen/
bewinde goede rekeni(n)ge besceyt en(de) bewijssenisse te doene alt(ijt)/
te zijnre manissen alsoe dat behoirt dec(embris) xxiii
ContributorsMi-Je Van Gils
Moderated byMi-Je Van Gils
Last update: 2016-06-14 by Xavier Delacourt