It(em) het is gevorwert tusscen den voirs(creven) partien ende hebben malcand(eren)/ gelooft des hier na volcht inden yersten dat de voirs(creven) jacop de/ voirs(creven) goede geheelijc en(de) al van desen dache voirtaen aenverde(n)/ sal als zijn p(ro)per ende betalen de lasten die van nu voirtaen/ dair op vallen ende verschijnen selen en(de) alle de lasten die tot/ desen daghe toe dair op gevallen zijn selen zij den voirs(creven) jacoppe/ geheelijc afdoen Voirt is gevorwert dat de wynnersse vanden/ voirs(creven) goeden hue(r) pechtinge sulke alsmen vynden sal dat zij/ heeft aende voirs(creven) goede behouden sal op alsoe dat zij de(n) voirs(creven)/ jacoppe vander wynningen ende den bespreke van den sculdich sal/ zijn te doen alletgene dat de vorwerde vander pechtingen van/ yerst begrepen heeft sonder dat hue(r) de voirs(creven) jouffr(ouwe) oft hue(r)/ kijndere yet van dien hebben verdrage(n) oft quite gescouwen/ oft noch verdragen oft quite schelden selen moegen behoud(elijc)/ nochtan dat de presten der selver wynnerssen gedaen op hue(r)/ leste jaer der voirs(creven) jouffr(ouwe) ende huere(n) kijnderen volgen selen/ Ende is vorwerde dat de voirs(creven) jacop den voirs(creven) p(er)sone(n) ov(er)leve(re)n/ sal alle de brieve die gord roelants heeft van x r(ijnse) guld(en)/ lijftochte(n) opden voirs(creven) wilen pete(re)n van herbaix oft zijn goede/ desgelijcx alle de brieve van x r(ijnse) guld(en) lijftochten die de voirs(creven)/ jacop selve opden voirs(creven) peteren oft zijn goede oft borgen e(n)nich/ sins sprekende hebben heeft Ende oec sal hij d(er) selver weduwen/ ende hue(r) kijnde(re) tewige(n) dage(n) ontlasten vande(n) xiiii r(ijnse) gul(den)/ lijfpensien die des voirs(creven) jacops zwagh(er) de weduwe henr(ix) wilen/ vanden berghe oft hue(r) kijnde(re) oec opde(n) voirs(creven) pete(re)n oft zijn/ goede dese oft ande(re) moegen hebben sprekende Ende mits/ dien den voirs(creven) v(er)coep(er)en aende voirs(creven) comescap corten tgene/ des den last van dien gedragen mach van p(ri)ncipalen ende
//
pachte ter goeder duechdeliker rekeni(n)gen ende dan tsurplus/ sal de voirs(creven) jacop der voirs(creven) weduwen opleggen ende betalen/ in gereeden pe(n)ningen tot der so(m)men van vi[c] r(ijnse) guld(en) te xx/ stuv(er)s stuc tsame(n) in goede(n) ghelde nu in brabant cours hebben(de)/ Ende oft de voirs(creven) goede den voirs(creven) jacoppe met rechte niet/ ontquijt en worde(n) soe sal hij der voirs(creven) jouffr(ouwe) d(er) moeder/ noch gheve(n) binne(n) jaers naestcomen(de) hondert r(ijnse) gul(den) te(n) prise/ als bove(n) het en ware dat hij e(n)nigen last oft co(m)mer op de/ voirs(creven) goede vonde die hem inder comescap oft waerscape/ niet v(er)nuemt en ware oft dat hij e(n)nich wettich gebreck/ aen des voirs(creven) is hadde dat hij dat aende voirs(creven) hondert/ r(ijnse) guld(en) selve inhoude(n) soude moege(n) Mair oft hem die voirs(creven)/ goede ontquijt worden soe sele(n) hem na begrijp d(er) comescap/ aende voirs(creven) leste c r(ijnse) guld(en) corte(n) xlvi sacke corens d(er) mate(n)/ van thiene(n) eens oft de rechte weerde va(n) dien soe die nu/ gelden Is voirt gevorwert tussce(n) de(n) voirs(creven) p(ar)tien soe wes/ van pontgelde vand(er) voirs(creven) comescap gegeve(n) moet zijn/ dat sal de voirs(creven) jacop verleggen ende v(er)antwerden ten/ besten dat hij sal conne(n) ende dair sal dan inne gelast zijn/ de ghene vanden voirs(creven) p(ar)tien die dair inne na der banc/ recht dair onder de goede liggen sculd(ich) is gehoude(n) te wesen/ want zij in wed(er)zijde kijnden dat dair af ind(er) comescap/ uut noch in gesproken en is cor(am) eisd(em)