Item want de procur(eur) des godshuys van sinte bernarts opt scelle/ hem metter stat brieve van loven(en) gescriven aenden meye(r) van/ campenhout hadde doen leve(re)n en(de) in handen stellen eenen/ bosch geheten steenkensbosch en(de) den bosch geheten morte(r) inde/ prochie van campenhout ghelegen te berghe en(de) tebuertmeer/ beke tusschen den goeden arnts tucbacke? jans vand(er) eect/ henrix vanden zijde jans van attenvort de kercke van eel/ wijt jans rogbroec gorts laureys henricx profst goessen(e)/ berwouts gielis yngels henricx dogge jacops van eppeghem/ gabriels inden ar des he(re)n van hanswijc en(de) den goeden der/ kynde(re) arts voir gebrec van twee pont [ouder] grote turnoese/ alsulke als de stat van mechelen hue(re)n pensionarise jairlix/ betalen met cost en(de) co(m)mer dair op gelopen lijfpensien/ staen(de) ten live he(re)n jans nagel priesters canoncx reguliers/ ind(en) vors(creven) godshuyse vallen(de) jairlix deen helicht ts(int) jansmesse/ baptisten en(de) dand(er) helicht te kersmesse te betalen Dair/ af dat p(ar)tien te weten jan de rijke en(de) willem bloc met/ hue(re)n medeplege(re)n als p(ar)tien in desen dach hadden na uut/ wisen d(er) vors(creven) brieve ten dage van rechte naest vorleden/ en(de) de selve p(ar)tien tot dien daghe en(de) ten naesten vervolgen(de)/ daghe als op heden niet come(n) en zijn so hebben de vo(n)nissen/ d(er) scepen(en) van loven(en) gewesen ter manessen smeyers datme(n) den/ vors(creven) p(ro)cur(eur) in zijn scepen(en) brieve vors(creven) houden sal zo v(er)re dat noch/ voir hen come(n) is P(rese)ntib(us) o(mn)ibus scabinis in scampno dempto borch(oven)/ ja(nuarii) xxix