Allen den ghene(n) die dese l(ette)ren sele(n) sien oft hoire(n) lesen burg(ermeesteren)/ doen te wete(n) dat op den dach van heden datu(m) va(n) desen voir ons/ come(n) zijn in p(ro)pren p(er)sone pet(er) vand(er) hoeve(n) onse gemi(n)de mede/ scepen(e) en(de) claes bone de jonge die tande(re)n tide(n) gehuert hebbe(n)/ gehadt jege(n) he(re)n conrarde vand(er) meere(n) doctoir in beyde(n) rechte(n)/ ridde(r) [eene(n) bempt gelegen te betheke(n) werchtere] den welken zij weydden met zijne(n) met hue(re)n beesten/ van welker weyden de(n) he(re) de abt va(n) p(er)cke hen eysschen(de) is etthiende/voir welke etthiende de voirs(creven) pet(er) en(de) claes En(de) hebbe(n) geco(n)stituert/ gesedt volcome(n) macht p(ro)cu(ra)cie en(de) auc(tori)teyt gegeve(n) den voirs(creven)/ he(re)n conrarde arnold(en) vander strate(n) geheten brau en(de) janne de/ beye(re) en(de) elke(n) van hen bringe(r) sbriefs die selve sake questie en(de)/ gescille alsnu hangen(de) voir m(ijns) he(re) de(n) officiael va(n) luydick oft voir/ wat gerichte die getoge(n) mochte(n) werden te verware(n) te v(er)volge(n)/ te vorderen te lit(is) (con)testeren te declinere(n) texcipiere(n) te reco(n)venieren/ te v(er)antwerde(n) te bescudden te bedinge(n) alle gescrifte(n) en(de) libelle(n) d(air) af/ ov(er) te gheve(n) en(de) te neme(n) te replice(re)n te duplice(re)n (et)c(etera) also wel int/ p(ri)ncipael als int accessoir also dicwile en(de) menichwerve(n) als des te doen
//
zijn sal getuge(n) met rechte te v(er)sueke(n) bedwonge(n) te werden tot/ huerre deposicie(n) die te leyden der wederp(ar)tie getuge(n) te zien/ zweren die te batteren hue(r) deposicie(n) te wederlegge(n) also dicwile/ en(de) menichwerve(n) alst behoire(n) ende behoeve(n) sal Allet des voirs(creven)/ steet alsoe wel donber(uerlijke) g met rechte te wynne(n) te v(er)liesen/ de sake bij beroepe oft appellacie(n) te moege(n) v(er)volge(n) [in alle(n) hove(n) ende plaetse(n) d(air) dat behoere(n) en(de) behoeve(n) soude moege(n) te gesciene] de vo(n)nissen/ van dien ende allen andere(n) der voirs(creven) p(er)sone(n) (con)stitucie(n) aengaende/ alsoe wale int(er)locutoire als diffinitive te verwachte(n) tgewijsde te ver/ volgen ende te doen exequere(n) composicie en(de) mynlike yffeni(n)ge van al/ des voirs(creven) is te maken volcome(n) quita(n)cie dair af te gheven Ende/ voirtane generalijc en(de) specialijc dair inne te doen en(de) te vordere(n)/ allet des de voirs(creven) (con)stituente selve doen en(de) vorderen souden/ moegen waert dat zij telker tijt en(de) plaetsen selve p(re)sent jege(n)woirdich/ en(de) voir oegen waren Ende dat de selve [h(er) conrart een d(er) voirs(creven)] p(ro)cur(eur)s oft e(n)nich van hen/ voirt in al des voirscr(even) steet en(de) in elc besunder eene(n) oft meer/ substitueren sal moegen van zijnre hant alst hem gelieft om d(air)/ in te doen en(de) te vordere(n) allet tgene des bij de(n) voirs(creven) p(ro)cur(eur)s oft/ e(n)nige(n) va(n) hen midts desen e(n)nichssins gedaen oft gevordert soude/ moegen werde(n) Ende [voirt vander voirs(creven) sake(n) en(de) des d(air) aen cleeft sal de voirs(creven) h(er) coenrart he(m) tot zijnd(er) geliefte(n) met der wederp(ar)tien moige(n) (com)promitte(re)n oft bij den voirs(creven) procureurs oft gesubstituerden doen en(de) laten (com)promitte(re)n] soe wes bij den eene(n) der voirs(creven) p(ro)cur(eur)s oft/ gesubstituerden in e(n)nich va(n) des voirscr(even) steet begonne(n) oft inne/ gesteke(n) sal werde(n) va(n) rechtvorderinge(n) oft and(er)s dat dande(re)/ van hen dat sal moege(n) voirts vorde(re)n middele(n) volynde(n) late(n)/ compone(re)n en(de) v(er)volge(n) sond(er) yemants wed(er)segge(n) Gelovende/ voir ons in goede(n) trouwe(n) de voirs(creven) (con)stituente op de v(er)bintenisse va(n)/ alle(n) hue(re)n goeden yeg(enwordich) en(de) toecomen(de) v(er)crege(n) en(de) te v(er)crigen beruerlijc/ en(de) onberuerlijc hoedanich die zijn waer die belege(n) oft hoe die ge/ noemt moege(n) zijn goet vast gestentich onv(er)brekelijc te houde(n)/ tot ewige(n) daghen voir hen hue(re)n erve(n) en(de) nacomelingen alle tgene/ des bij de(n) voirs(creven) p(ro)cur(eur)s oft hue(re)n gesubstituerde(n) oft e(n)ige(n) va(n) hen bri(n)g(er)/ des briefs in desen gedaen en(de) gevordert sal werde(n) feb(ruarii) xvi