Item want gheram bote als man en(de) momboir jouffr(ouwe)/ margariete vanden hove zijns wijfs die met scepen(en)/ brieven van loven(en) over vele jae(re)n gepasseert houden(de)/ en(de) besetten(de) is op seke(re) goede en(de) onderpande wilen/ toebehoe(re)nde janne van lare diemen heet peters/ hier na bescreven xi ziste(re)n rox goet ende payabel/ der maten van mechelen erflic tsinte andriesmesse/ apostels te betalen Te weten(e) vier vierdelen/ voir elc zister gerekent metter stat brieve(n) van/ loven(en) gescreven aenden schouth(eit) van conticke vor/ tgebrec van betalingen der selver renten hadde/ doen leve(re)n de vors(creven) goede dair af dat p(ar)tien/ op heden als ten naesten verstreken(en) daghe/ dach van rechte hadden inde banc voir meye(r)/ en(de) scepen(en) van loven(en) te weten pauwel bal bertel/ de rijke jan de laet jan de scoesitte(re) de weduwe/ langeheyns joes matheeus en(de) joes de scoesitte(re)/ met hue(re)n medeplege(re)n die de selve pande in/ handen hadden zond(er) nochtan den vors(creven) ghera(m)me/ van zijnen vors(creven) gebreke te voldoene Tot welken/ daghe de vors(creven) p(ar)tien noch gheen van hem come(n)/ en zijn ende peter beyart als procur(eur) des vors(creven)/ gherams inden rechte compare(re)nde en(de) trecht/ versueken(de) en(de) na dat de vors(creven) scepen(en) van loven(en)/g begheert hebben den bode vander stat die den/ brief vors(creven) aenden vorg(enoemde) schouth(eit) droech taenhoe(re)n/ die op zijnen eedt nam dat hij dexecucie aend(en)/ vors(creven) schouth(eit) versocht hadde en(de) dat de vors(creven) p(ar)tien/ dair af dach van rechte name(n) ind(en) selven brieff/ begrepen Soe hebben de vo(n)nissen der scepen(en) va(n)/ loven(en) ter manessen smeyers gewezen datmen/ den vors(creven) ghera(m)me inde macht van zijne(n) vorscr(even)/ scepen(en) brieven houden sal zoe v(er)re dat voir/ hen comen was P(rese)ntibus scabinis in scampno/m(ar)cii febr(uarii) xxviii / Dit zijn de goede vanden/ vors(creven) vo(n)nisse/ Inden yersten een hof en(de) de goede geheten smayers goede/ metten woeni(n)gen huysen hoven wynnen(de) lande beempden/ eusselen bosschen en(de) allen ande(re)n toebehoirten houden(de) tsamen/ xxviii boend(er) gelegen inde prochie van arslair tusschen smayers/ veken en(de) de brugge geheten de berdde(re) brugge Item thof gehete(n)/ tgoet te hillair metten woeningen huysen hoven wynnen(de) lande/ beempden eeusselen met iiii boende(re)n bosch dair aen gelegen/ en(de) allen ande(re)n toebehoirten houden(de) tsamen xxxii boend(eren) tusschen/ smayers veken en(de) clause tsherden Item thof geheten wijchmans/ goet metten woeningen huysen hoven wynnen(de) lande en(de)/ allen ande(re)n toebehoirten gelegen inde prochie van arslair ter/ plaetsen geheten varlair houden(de) iiii boend(eren) Item aen en(de) op/ ii boend(eren) lants gelegen in drie stucken inde prochie van reet/ neven den bosch claes tsherden vors(creven) Item ii boend(eren) lants geheten/ de hillensvelde gelegen in ii stucken te artslair achter de kercke/ Item vii vierdel bosch geheten langenbosch gelegen te artslair/ neven de halfstrate Item een halster rox mate van antwerpen/ erflic aen en(de) op zeke(re) goede en(de) pande jans de keyser gelege(n)/ te conticke Item een zister rox mate en(de) pacht vors(creven) aen en(de)/ op zeke(re) goede en(de) pande gielis vand(er) biest gelegen te varlair/ ter plaetsen geheten aen deyke Item een zister rox mate ende/ pacht vors(creven) aen en(de) op zeke(re) goede en(de) pande jans bruynen gelegen/ te vairlair Item vi vierdelen rox erflic aen en(de) op zeke(re) pande/ claus vand(er) heyden gelegen te artslair Item een crone erflic/ aen en(de) op thuys en(de) hof met zijne(n) toebehoirte(n) wout(er)s wilen coirloy/ gelegen te reet Item een zister rox mate en(de) pacht voirs(creven) aen/ en(de) op zeke(re) goede jans vander heyden gelegen te nyele Item/ viii s(chellingen) brabants mu(n)te erfchijs op zeke(re) goede jans jacops va(n)/ malais gelegen te wilrick Ende vort aen alle ende yege/ welcke ande(re) goede chijse en(de) erfpachten die wae(re)n jans/ vanden lare ende jans zijns soens te conticke te artslair/ te reet te wilric te hemeshem te stelle ten essche te rumpst/ te boeme te nyele te wairlois oft elswair bynnen/ brabant gelegen uutgenomen nochtan vier vierdelen/ rox antwerpsche mate erfpachts op zeker goede ende/ pande gelegen te zoersel