Na dat henric morda(n)t v(er)socht heeft aende gezwoirne vande(n)/ vetterambachte om in tselve ambacht te come(n) in sulker mate(n)/ en(de) talsulke(n) laste als d(air) toe behoirt hebben hem de selve ghe/ zwoirne inde(n) name vande(n) selve(n) ambachte zwaricheyt dair in/ gemaect meynende dat hij niet bequame dair toe zijn en soude en(de)/ dat huere(n) ambachte vercortinge dair inne gebuere(n) soude wa(n)t zij/ hem ov(er)seyde(n) en(de) bode(n) te bewisen dat hij buyten eer hij te/ loeven(en) quam woene(n) sterffelinge beeste(n) beyde om loon en(de) oec te/ zijne(n) p(ro)ffite hadde gehanteert ende onthuydt biedende dat te/ thoene(n) mette(n) ghene(n) die dair af te spreke(n) wiste(n) Dair op de voirs(creven)/ henric hem v(er)antwerdende beclaechde hem vander onneere(n) die/ hem de voirs(creven) geswoirne ov(er)seyde(n) hem wel getroestende des ter/
//
waerheit dat zijs ne(m)m(er)meer thoene(n) en soude(n) Soe was h(ier) op/ ten utersten de reden(en) va(n) p(ar)tien in wederzijden gehoirt ende/ den thoen der voirs(creven) geswoirne(n) die huers vermets niet en/ volquamen get(er)mineert en(de) de(n) voirs(creven) p(ar)tien voir recht uutge/ sproken dat de voirs(creven) gesworen(en) sculdich ware(n) den voirs(creven) henr(icke)/ in hueren ombacht tontfane op trecht dair toe behoirende/ niet wederstaende den voirs(creven) becroene act(um) in pleno co(n)silio/ augusti xiii