It(em) ter selver tijt sprac de selve claes den vors(creven) gheerde aen seggen(de) dat hij/ anderwijle als meye(r) van thienen in sijn huys met zijnen dyeners hadde/ geweest ende dair aenveerdt een plackaet vander stat van loeven(en) van/ des voirs(creven) claes poirterien dwelc de selve claes versocht en(de) onlanx voe(r)/ der stat raide versocht hadde vanden voirs(creven) gheerde weder te hebben dair/ op de selve gheert hem v(er)antweerden(de) seyde dat hij hier op voe(r) de stat/ hem verantweerden(de) gep(rese)nteert hadde nae dat hij zijn scriftue(re)n hadde/ besocht en(de) met sijne(n) dyene(re)n gesproken soe soude hij hem tselve plakaet/ wedergheven oft eedt dair voe(r) doen ten heiligen dat hijs niet en hadde/ en(de) dat p(rese)nteerde hij noch te doene tot eene(n) cortten gelegen(en) daige En(de)/ hier op w(er)t gewijst met vo(n)nisse dat de voirs(creven) gheert met voldoene/ van sijnder p(rese)ntacien gestaen sal soude eisd(em)