SAL7360, Act: R°256.2-V°256.1 (553 of 667)
Search Act
previous | next
Act R°256.2-V°256.1  
Act
Date: 1467-04-23

Transcription

2019-05-08 by myriam bols
It(em) jan laureys in deen zijde ende jan van coude(n)berge en(de) jan de/
smet in dande(re) die zeke(re) questien tegen malcande(re)n hebben om/
zeke(re) leengoede die wile(n) toetebehoe(re)n plage(n) lodewike va(n) oppe(n)dorp/
geleg(en) te hulde(n)berge en(de) die hen onlanx voirled(en) [om] vand(en) selven/
gescille(n) om v(er)eenicht te wordde(n) gesubmitteert hadden voir/
de leenma(n)nen van hulde(n)berge inde uutsp(ra)k van seke(re)n arbit(er)s/
en(de) segge(re)n alsoe de ma(n)nen dat te hebbe he(n)weert hebben en(de)/
de submissie beg(re)pen heeft dair af [de macht en(de)] den t(er)mijn [den segge(re)n] gheexpireert/
es In p(rese)ncia [scabinor(um) lov(aniensum)] hebben tselve (com)promis verlinct in alle d(er)/
maten alst sprect ende geloift tond(er)houde(n) duytsprake vand(en)/
segge(re)n oft vand(en) ov(er)man op dat die geschiet tussce(n) dit en(de)/
sint jansdach naestcomen(de) incluys Ende oic den segg(er)s [voirt] macht/
gegev(en) eene(n) overman te neme(n) eendrechtichlijc die hen gelieve(n)/
sal v bynne(n) loven(en) oft uute(n) hove van hulde(n)berge die sijn/
uutsprake oic sal moigen doen bynne(n) xiiii nachte(n) nade(n) vors(creven)/
sintjansdach Ende [hebben voirt geloeft] aldit tond(er)houde(n) en(de) tacht(er)volgen oft de/
vors(creven) submissie voir de v ma(n)ne(n) vand(en) hove va(n) nyeuws/
gemaict wa(r)e geweest en(de) dat den tijt d(er) selver noch duerde
//
Met vuegen want de vors(creven) jan laureys houdt dat sijn/
wed(er)p(ar)tie sake zijn vand(en) uutsplijte(n) d(er) submissien voi(r)g(e)r(uert)/
meynen(de) van sijne(n) int(er)est in dien te age(re)n dat hij dat/
sal moige(n) doen voir de segge(re)n voirg(enoemd) oft ov(er)man ende/
zulle(n) p(ar)tien gehoude(n) sijn van dien alsoe wel tond(er)houde(n) duytsp(ra)ke/
alse vand(en) p(ri)ncipale(n) ende al op eene pene oft abanduyn/
van xx guld(en) rijd(ers) tot ons gened(ichs) he(re)n behoef nochtan/
soude(n) sij duytsprak vand(en) segge(re)n oft ov(er)man gehoud(en)/
sijn tacht(er)volgen meld(er)t vynck ap(ri)[l(is)] xxiii
ContributorsMi-Je Van Gils
Moderated byMi-Je Van Gils
Last update: 2016-06-15 by Xavier Delacourt