Item gheert vander meren sone wilen jans ter vuren en(de) wouter/ van rotselair sone wilen henricx woenen(de) te goirdale in p(rese)ncia/ hebben gekint en(de) gelijdt inden name en(de) van wegen jans/ de cock sone wilen jans die hij hadde van katlijnen van lare/ sijnen wijve onder zijn daghe wezende dien zij hier inne/ gelooft hebben te vervangen zoe wanner hij tzijnen dage(n)/ comen sal zijn dat zij ontfangen hebben en(de) wael/ gecontenteert zijn bijden vors(creven) katlijnen en(de) wille(m)me van/ muyswynckele geheten mertens hue(re)n tweesten man/ vanden pe(n)ningen gecomen vanden opgaende [eyken(en)] houte schar/ houte alboemen popeleren noteleren elsen willigen hoye
//
stroe ploeghe eeghden mergelkisten wagen peerden coyen en(de)/ vercken(en) uutghescheiden vanden bedden en(de) ande(re)n huysrade dies/ men bynne(n)huyse orbert als den voirs(creven) jonghen bleven en(de)/ verstonrven sijn na en(de) vander doot jans wilen de cock ouder/ vader vanden selven jongen ter tijt dat de vors(creven) katlijne sat/scat? in hue(re)n weduwe stoele Gelovende dair om den selven/ gehuyssche dair af ny(m)mermeer aentespreken te moyen noch/ te vexeren bij hem selven oft yemant and(er)s in gheene(n) rechte/ gheestelic noch weerlic Hebben vort gelooft dat zij/ de pe(n)ningen vors(creven) met meer ande(re) pe(n)ningen die zij oic/ onder hebben gecomen vanden erfliken goeden en(de) houte/ als den vors(creven) jongen va(n) wegen als voir verstorve(n) is dair/af zij de pe(n)ningen oic onderhebben Ten yersten dat/ zij sullen connen aenleggen zullen ter lijftocht ten live/ der vors(creven) ka(tlij)[ne(n)] der moed(er) en(de) huers soens vors(creven) en(de) des/ lanxsten van hen beiden leven(de) oft ter erfrenten welcke/ renten also gecocht en(de) dande(re) renten des selfs soens/ volgen sullen der vors(creven) ka(tlij)[ne(n)] d(er) moeder tot d(er)re tijt toe/ dat hij tot sijnen mu(n)degen dagen comen sal zijn dar?/ voir de selve moeder den selven sone gehouden sal/ zijn te houden temelic van eten drincken en(de) cledinge(n)/ thue(re)n laste dat de vors(creven) willem van muyswinckele also/ gelooft heeft te doene cor(am) eisd(em)