Vanden stoote opverstaen hangende ende uuytstaen(de) tusschen jouffr(ouwe)/ lijsbetten weduwe jacops wijlen blanckart met jacoppe wittema(n) hue(re)n/ diene(r) ter eender zijden ende woute(re)n peperlinck hue(re)n wynne te/ kyesekem ter ande(re) om diverse pointen ende articule(n) van gebreke/ meswy(n)nen(e) ende meshouden(e) vanden landen beempde(n) oft drincsele/ der selver jouffr(ouwe) ende allen ande(re)n stooten die zij underlinghe tege(n)/ oft tot malcande(re)n moegen uuytstaen(de) hebben totten dage toe van/ heden uuyt saken vander selver pechtingen oft wynneghen oft dat/ dair uuyt gesproken mach zijn in eenigher manie(re)n Hebben hen/ de selve p(ar)tien gesubmitteert ende verbonden van al des voirs(creven) steet/ behalven alleene vande(n) voirs(creven) meswynne(n) oft meshoude(n) [vand(en) landen] beempde(n)/ ende drincsele der lande der voirs(creven) jouffr(ouwe) inde eendrechtighe/ uuytsprake van andriese de nausnyde(re) goirden hanckart weyne/ rampart ende janne cleyvranck Ende vande(n) pointe en(de) gebreke/ vanden voirs(creven) meswynnen ende meshouden inde uuytsprake
//
van vier eertwynnen te weten weyne(n) ramp(ar)de ende henr(icke)/ vanden vere vander zijden der voirs(creven) jouffr(ouwe) ghenomen ende/ arnde blijdeleve(n) ende henr(icke) vander eect vand(er) zijden des/ voirs(creven) wout(er)s in sulker vueghen dat de voirs(creven) vier yerste/ segge(re)n informacie ende cleernisse vander voirs(creven) p(ar)tien in wed(er)zijd(en)/ van al tghene desmen te he(n)wert verbonden es nemen ende/ aenhoe(re)n sullen Ende dat de voirs(creven) eertwynne(n) visitacie/ vanden selve(n) goede(n) doen ende alle cleernisse oick aenhoe(re)n/ selen ende tallen zijden dair af hue(r) uuytsprake te doe(n) binne(n)/ acht dage(n) naistcomen(de) Promitten(tes) d(i)c(t)e p(ar)tes rat(um) ende oft/ eeniger p(ar)tien segge(re)n gebrake oft d(er) voirs(creven) eertwyne(n) dat (et)c(etera)/ cor(am) berghe hoeven junii v[ta]