SAL7360, Act: R°287.1-R°288.1 (619 of 667)
Search Act
previous | next
Act R°287.1-R°288.1  
Act
Date: 1467-06-05

Transcription

2019-06-17 by myriam bols
Cont zij allen lieden dat daneel van e(re)nboudeghem wettich sone jans/
van e(re)nboudeghem geheete(n) de mu(n)te(re) p(ri)us ema(ncipa)[t(us)] in p(rese)ncia heeft genome(n)/
ende bekint dat hij genomen heeft tegen he(re)n leonarde van gryboval/
abt des goidshuys van vlierbeke van wegen desselfs goidshuys thof/
desselfs goidshuys geheete(n) tarendonc met allen zijnen toebehoirte(n) en(de) met (½)/
[dach(mael) bee(m)ts oft dair omtrint geheete(n) tvoerbroexke(n) geleg(en) te holsbeke] gelijc en(de) soe v(er)re de vors(creven) jan van e(re)nboudege(m) de vader dat gehoude(n)/
heeft Te houden te hebben en(de) te wynnen van halfmerte anno xiiii[c]/
lxiiii eene(n) t(er)mijn van xii ja(r)en lanc due(re)nde deen nae dandere/
staphants sonder middel volgen(de) elx jaers d(aer)enbynne(n) om ende/
voe(r) c ende xlii rinsch(er) guld(en) te xix(½) stuv(er)s tstuc oft die weerde/
d(air) af in ande(re)n goeden gelde te betalen de xlii dair af te sint/
jansmisse ende de hondert d(air) af te kersmisse alle ja(r)e den vorscr(even)/
t(er)mijn due(re)nde quol(ibet) ass(ecutu)[m] Ende noch om ende voe(r) driehond(er)t en(de) twee/
kaese die de voirs(creven) wynne jairlix bynne(n) den vors(creven) goidshuyse/
sal mote(n) leve(re)n dair af dat elken kese sijn sal van drie gelten/
melcx om(ve)rsaent te weten vijftich platte kaese d(air) af des goensdaichs/
voir paesscen ende dande(re) kaese tot ons(er) liever vrouwe(n) daige assu(m)p(ti)[o]/
alle ja(r)e den vors(creven) t(er)mijn due(re)nde quol(ibet) ass(ecutu)[m] It(em) sal de vors(creven) wy(n)ne/
mijne(n) vors(creven) he(re) den vors(creven) t(er)mijn due(re)nde noch jairlix leveren/
inden herfst vijftich pont gae versschen bote(re)n goet en(de) payabel/
gelijcmen tot noch toe betaelt heeft It(em) sal de vors(creven) daneel/
alle ja(r)e den vors(creven) t(er)mijn due(re)nde de meyerien rechte(n) ende/
jurisdictien des vors(creven) goidshuys bynne(n) hos holsbeke cortelke gob/
belrode ende dutshole van des vors(creven) goidshuys wegen wel en(de)/
getrouwelic regeren ende verwaren en(de) den chijs pacht en(de)/
rinte(n) desselfs goidshuys inden vors(creven) dorpen getrouwelic verwae(re)n/
vergade(re)n en(de) opheffen en(de) die op sijne(n) cost bynne(n) den voirscr(even)/
goidshuyse leve(re)n It(em) sal tvors(creven) goidsh(uys) hebben jairlix allet/
pontgelt dat vanden selven goeden comen sal dieme(n) vand(en)/
vors(creven) cloeste(r) houden(de) es It(em) es vorweerde dat de vors(creven) wy(n)ne/
de huyse vand(en) vors(creven) hove van arendonc den vors(creven) t(er)mijn/
due(re)nde sal wel ende loflijc houden van wande ende dake/
in goeden state en(de) die also late(n) te sijne(n) afsceide(n) Ende wairt/
alsoe dat de vors(creven) huyse e(n)ige grote ty(m)meringe behoefde(n)/
dat sal tvors(creven) goidshuys doen maken en(de) ty(m)me(re)n op tsgoidsh(uys)
//
cost It(em) en sal de vors(creven) wynne gheen grote ty(m)meringe moigen/
doen maken noch ty(m)me(re)n sond(er) (con)sent des vors(creven) cloesters en(de) soe/
waer hij ald(air) ty(m)merde sond(er) des selfs cloest(er)s (con)sent dat sal/
zijn op sijne(n) cost en(de) niet op des vors(creven) cloest(er)s It(em) van allen/
ouden ty(m)meringen en(de) van allen stucken wairt dat int vors(creven)/
hof geviele yet te doen maken dair af selen [sal] de wynnen/
den werclieden den montcost geven en(de) tvors(creven) cloest(er) de dachue(re)n/
uutgenome(n) van grote(n) nuwen wercke Ende wairt alsoe dat/
god verbieden moet dat int vors(creven) e(n)nigen brant geviele/
die toeq(ua)me mits ocsuyne des vors(creven) wynnen dat sal sijn/
te h sijnd(er) schaden en(de) hij sal dat oprichte(n) den vors(creven) cloeste(r)/
ende desgelix geviele dair brant die toequame bij ocsuyne/
des vors(creven) cloest(er)s dat sal sijn op tscloest(er)s scade en(de) tselve/
cloest(er) sal den vors(creven) wynnen die oprichten [al] nae taxacie/
van goeden ma(n)nen hen des verstaende maer waert alsoe/
dat dair brant geviele en(de) men niet geproeve(n) en conste/
van wiens wegen dien brant toequame dair af sal een/
yegelijc sijn scade dragen It(em) sal de vors(creven) wynne alle ja(r)e/
den vors(creven) t(er)mijn due(re)nde op sijne(n) cost ende sonder afslach/
vand(en) vors(creven) gelde betalen allen den co(m)mer en(de) last uut den/
vors(creven) goeden gaen(de) alsoe in tijts dat tvors(creven) goidsh(uys) noch de/
goede desselfs d(air) bij gheen scadeen lijden It(em) sal de vors(creven)/
wynne jairlix den vors(creven) t(er)mijn due(re)nde setten en(de) plante(n)/
opde vors(creven) goede hondert pote(n) goede en(de) custbair ende die/
verdoirnen ende wairt dat dair e(n)nige boome v(er)droechden/
die sal die wy(n)ne hebben en(de) voir elk(en) boem twee poten/
vande(n) selve(n) arde wed(er) setten It(em) en sal de vors(creven) wynne/
gheen opgaende hout moighen tru(n)cken noch afhouwe(n) It(em)/
sal de vors(creven) wynne alle hagen struyvellen en(de) breeme(n) staen(de)/
inde beemde en(de) eeussele den vors(creven) hove toebehoren(de) bynne(n)/
de yerste iiii jae(re)n uutroden vand(en) vors(creven) t(er)mijne uutroden/
ruyme(n) ende uut worpen en(de) die den selven t(er)mijn due(re)nde
//
wel ende loflijc geruy(m)t houden ende alsoe laten It(em) sal tvoirs(creven) goidsh(uys)/
alle jare gheven eene(n) rock voir tverwaren ende bediene(n) der voirscr(even)/
meyerien rechten ende jurisdictien des voirs(creven) goidshuys zonder in meer/
dan in eenen gelast te zijne ende alsulken alse dande(re) meye(re)n des vors(creven)/
goidshuys hebben selen It(em) sal de voirs(creven) wynne jairlix den vors(creven)/
t(er)mijn due(re)nde den vors(creven) goidsh(uys) een voelen zome(re)n Ende alle dese/
vorweerd(en) Inde est fideiussor d(i)c(t)i danieli de e(re)nboudeghem johannes/
euis pater pred(i)c(t)us Et p(rim)[us] cor(am) hoeve(n) vync junii v[ta]
ContributorsMi-Je Van Gils
Moderated byMi-Je Van Gils
Last update: 2016-06-22 by Xavier Delacourt