Item want de procur(eur) en(de) vorgenge(r) des godshuys vanden wittevruwen/ en(de) sinte barbelen bynnen loven(en) gelevert en(de) in handen gesedt zijn/ ten versueke der stat van loven(en) zeke(re) goede gelegen tsint jorijs/ weerde die houden(de) zijn derfgenamen joes wilen stercx voir/ gebrec van betalingen van drie ryns guld(en) erflijc na inhout/ der scepen(en) brieve van lov(en) d(air) af zijnde vander daet xiiii[c] lix/ decembris xviii en(de) cost en(de) co(m)mer d(air) op gelopen en(de) p(ar)tien/ dach bescheiden was opden dach van heden oft zij dair tegen/ hadden willen alligeren oft de vors(creven) brieve impungne(re)n oft weder/ leggen Aldair niemant comen en is den vors(creven) procur(eur) sijnen/ dach verwachten(de) en(de) recht versueken(de) soe hebben de he(re)n/ scepen(en) van loven(en) ter manessen smeyers gewijst geliefde den/ procur(eur) sijn p(rese)ntacie te doen teken(en) dat hij dat doen mochte/ cor(am) o(mn)ib(us) scabinis in scampno dempt(o) meld(er)t oct(obris) penult(ima)