Item opt versueck dat gedaen heeft gielis de roide natuerlic/ om te hebben(e) in gewariger hant en(de) ond(er) de stat van lov(en)/ drie lijftocht brieve staen(de) ten live jouffr(ouwe) katlijnen scribaens/ nu sijnd(er) medegesellynnen te weten(e) ii brieve d(air) af/ gepasseert voir de wet tantwerpen den eene(n) begripen(de)/ xxv overlensche gul(den) vand(er) daet xiiii[c] xxxvii ja(nuarii)/ ultima den ande(re)n begripen(de) x gelike overlensche gul(den)/en(de) vand(er) daet xiiii[c] xxxvii marcii xxiiii en(de) den derden/ brief begripen(de) bezegelt metten zegel vand(er) stat van/ bergen opden zoem begripen(de) iiii pont oudergroete vand(er)/ daet xiiii[c] xxxvii aprilis p(ri)ma na scriven des hoofs van/ cameric van anthonise boba ingeseten van deser/ stat die de vors(creven) brieve eene lange wile tijts onder/ gehadt hadde zond(er) dat hij inde vors(creven) brieve yet/ gericht was Versueken(de) dair om zee(r) strangelic/ dat hij de vors(creven) brieve brachte en(de) overleverde in hand(en)/ als voir om hem ind(en) name van zijnd(er) huysvruwen/ zijn recht en(de) int(er)e(ss)e d(air) met te mogen vervolgen/ Dair tegen de vors(creven) anth(onis) seide hopen(de) dat hij die/ niet sculdich en wa(r)e over te leve(re)n oft in ande(re) handen te/ bringen dan zij nu wae(re)n gemerct dat e(n)nige vand(en)/ executoirs daneels wilen boba die theffen en(de) sijnen/ vryen wille inde vors(creven) brieve behouden hadde versocht/ hadde dat de ter p(rece)ncien vand(en) vors(creven) gielise de vors(creven)/ brieve te bliven in handen vand(en) vors(creven) anthonise tot d(er)re/ tijt toe dat hij met gad(er)s den ande(re)n executoe(re)n des/ vors(creven) wilen daneels testament en(de) uutersten wille/ hadde doen bliken d(air) inne also hij seide men beveinde(n)/ soude dat hij gedisponeert hadde de vors(creven) renten and(e)/ p(er)sone gelaten Seide vort dat de vors(creven) gielis corts
//
vorleden en(de) ter stont na tgheens des vors(creven) is ov(er)leden/ zijnde dede de vors(creven) brieve rasteren aenden vors(creven) anth(onise)/ hopen(de) oic uuterlic dat hij belliken niet int doverle/ veringe zond(er) achter raet oft ten mynsten te condige(n)/ den ghenen dien [dit] aencleeft en(de) hen d(air) af te wair/ schouwen en(de) dair toe behoirliken dach te hebben van/ xiiii nachten Es getermijneert niet wederstaen(de)/ den reden(en) en(de) alligacien des vors(creven) anth(onis) dat de/ selve anthonis gehouden sal zijn de vors(creven) brieve ov(er)/ te bringen en(de) te leve(re)n ond(er) de stat tot d(er) ghender/ behoef die dair toe recht en(de) actien zoud(en) mogen/ hebben en(de) d(air) met gestaen Actum in pleno (con)silio/ tymple substituto et willem(air) burg(imagist)[ris] (et) aliis de (con)silio/ nove(m)bris xiiii