It(em) jouffr(ouwe) kat(linen) vand(er) ponte(n) wed(uwe) willems wile(n) vand(en) veken(en) in deen/ zijde henr(ic) en(de) gheert vand(en) veken(en) gebruede(re)n des voirs(creven) wilen/ willems in dande(re) sijn met malcande(re)n eens w(or)den ende ov(er)come(n)/ der pointe hier nae verclaeert de welke zij toegeseegt hebbe(n)/ en(de) geloeft [ind(ivisim)] deen dander onv(er)brekelijc te houde(n) en(de) tacht(er)volgen(e)/ Yerst hebbe(n) zij malcande(re)n geloeft dat zij va(n) gheene(n)/ sake(n) oft gebreke(n) die zij deen te(n) ande(re)n w(er)t mochten/ hebbe(n) noch va(n) gheene(n) geschille(n) die tussche(n) hen voirdaen/ mochte(n) rijse(n) oft opverstaen malcande(re)n moye(n) laste(n)/ vexe(re)n noch quelle(n) en sulle(n) met gheestelike(n) werlike(n)/ rechte noch oic ande(r)s zij en sulle(n) yerst die sake(n) moete(n)/ bringe(n) oft e(m)mer in wed(er)zijde bereet zijn te bringe(n)/ bij vier goede(n) ma(n)ne(n) hue(re)n vriende(n) daer zij in/ elc zijde twe toe sulle(n) kieze(n) om oft mogelijc zij/ die sake(n) questie(n) en(de) geschille(n) mynlijc te v(er)like(n) op dat/ me(n) can Voert heeft de voirs(creven) wed(uwe) de(n) voirs(creven) gebr(uederen)/ tot huerd(er) erftig(er)? bede(n) geleent de so(m)me va(n) hond(er)t r(ijnse) g(ulden)/[te xx st(uvers) tstuck] om d(aer) mede de leengoede acht(er) de(n) voirs(creven) wile(n) willem/ gebleve(n) [te hove] tontfangen en(de) te v(er)yeffen(e) welke so(m)me van/ pe(n)ninge(n) de selve gebruede(re) der voirs(creven) wed(uwe) ge(con)se(n)teert hebbe(n)/ te trecke(n) en(de) weder tontfange(n) vande(n) p(ro)fijte(n) bate(n) en(de)/ renten die va(n) nu voirdaen e(n)ichsyns de(n) voirs(creven) gebruede(re)n/ comen sulle(n) oft v(er)schine(n) voe(r) hue(re)n rechte deele en(de) portie(n)/ die zij tsame(n) oft e(ni)ch va(n) hen bezund(er) mach hebbe(n) inde/ leengoede acht(er) de(n) vors(creven) wile(n) wille(m) hue(re)n brueder/ gebleve(n) geloven(de) de selve gebruede(re) [indivisim] dat zij [noch gheen va(n) hen] hen nu(m)m(er)meer
//
der selv(er) leene noch der rente(n) d(aer) af comen(de) ond(er)wynde(n) en sulle(n) de vors(creven)/ wed(uwe) en sal d(aer) aen de voirs(creven) geleende so(m)me wed(er) gehave(n) ende/ getogen hebben oft dat zij huir and(er)s d(aer) af sullen hebbe(n) v(er)nuegt/ Voert hebbe(n) geloeft de vors(creven) gebruede(re) der vors(creven) weduwe(n)/ dat zij huer noch de(n) hue(re)n van hue(re)n wegen nu(m)m(er)meer/ stoet crot hinder noch moysel doen en sele(n) noch make(n)/ in gheend(er) manie(re)n al aen [tocht oft] recht dat de vors(creven) weduwe/ in e(n)nige leengoede acht(er) de(n) voirs(creven) wile(n) wille(m) gebleve(n)/ nae den lantrechte mochte hebbe(n) en(de) dier tocht en(de) dies/ rechts huer peyselijc en(de) vredelijc late(n) gebruyke(n) ende/ huer met hande en(de) monde d(aer) zijs behoeve(n) mochte d(aer)/ toe doen alle behulp en(de) bistantich(eit) jege(n) wie(n) dat/ wae(re) al eest dat zij de vors(creven) leengoede niet en/ ontfanckt [noch] daer toe en compt Ende oft gebuerde/ des oft god wilt niet en sal dat zij oft e(n)nich van/ hen hen [huer] crot stoet oft hinder (con)trar(ie) des vors(creven) is/ deden alsoe [oft va(n)] huer v(er)vaent gheen bistant t(er) vors(creven)/ wed(uwe) coste [en deden] alsoe dat bij gebreke va(n) die(n) zij huer/ tocht oft recht d(er) vors(creven) leene moeste ontfange(n) soe/ hebbe(n) den [zij] geloeft hier [dan] daer nae tot huerder/ manisse(n) op te legg(en) en(de) te betale(n) de [helicht vand(er)] so(m)men/ vors(creven) [va(n) hond(er)t r(ijnse) gul(den) te(n) p(ri)se als bove(n)] als v(er)reycte schout sond(er) argelist Ende/ tot al des voirs(creven) is hebbe(n) de vors(creven) gebruede(re) geloeft/ te v(er)vange(n) giel(ijs) vand(en) veken(en) hue(re)n brueder nu absent/ wesen(de) dat hij dit vors(creven) (con)tract(e) t(er) manisse(n) [by(n)ne(n) i maent naestcomen(de)] d(er) vors(creven)/ jouffr(ouwe) oic believe(n) (con)sente(re)n sal en(de) gelove(n) tond(er)houde(n)/ cor(am) roel(ofs) nausnyde(re) m(ar)cii xxiiii