Allen den ghene(n) die dese l(ette)ren selen sien oft hoire(n) lese(n) burg(er)/ meeste(re)n scepen(en) en(de) raet d(er) stad va(n) loeven(en) saluit doen te wete(n) dat/ op de(n) dach van hede(n) datu(m) van desen voir ons come(n) is in p(ro)pren/ p(er)sone de voirs(creven) gheert amours en(de) heeft geconstitueert gesedt vol/ come(n) macht p(ro)cu(ra)tie en(de) auc(tori)teyt gegeve(n) lamb(er)t lowijs gehete(n) jamair/ tielman van scoene(n)berge vettuwarier en(de) willem van meere oft den/de eene(n) van hen bringe(r) sbriefs alle alsulke(n) sake(n) [q(ue)stie(n) en(de) gescille(n)] als hij uut ocsuyne/ vande(n) voirs(creven) beleyde en(de) des d(air) aen cleve(n) mach in nacomen(de) tiden/ uutstaende heeft oft hebbe(n) sal moege(n) Te verware(n) te mane(n) te/ eyssce(n) op tebuere(n) en(de) tontfange(n) jege(n) oft aen wat p(er)sone dat dat/ zijn mach d(air) voir te pande(n) te dage(n) beleyde en(de) rastem(en)te te/ doen legge(n) die met rechte texeq(ue)re(n) te vervolge(n) en(de) te vordere(n)/ alle scepen(en) br(ieve) dien tangeren(de) met rechte te vo(n)nisse(n) en(de) vorderi(n)ge/ d(air) aff te neme(n) en(de) te doene na costume gewoenten en(de) usagien/ vande(n) plaetse(n) dair dat behoire(n) oft behoeve(n) soude moege(n) Ende/ ofts noot geboirde voir alle richte(re)n gheestelijc en(de) weerlijc met/ rechte dese zijn sake(n) te (con)teste(re)n te decline(re)n texcipiere(n) te reco(n)veniere(n)/ te v(er)antwerde(n) te bescudde(n) te bedingen alle gescrifte(n) en(de) libellen/ h(ier) om ov(er) te gheve(n) en(de) te neme(n) te replice(re)n te duplice(re)n (et)c(etera) In mel(iori)/ for(ma) salvo iusto calculo junii xv