Item amelric pynnoc in deen zijde en(de) claus de kersmake(re) in/ dander sijn met malcande(re)n eensworden en(de) overcomen/ vanden gescille dat zij hadden om alsulken chijs als de selve/ claus hadde aende goede die wae(re)n des vors(creven) amelricx en(de)/ nu toebehoe(re)n he(re)n janne pynnoc ridde(r) gelegen te cortbeke ov(er)/ dile inder manie(re)n hier na volgen(de) Te weten(e) dat/ de vors(creven) amelric bynnen xiiii nachten naestcomen(de) vervangen/ sal den selven he(re)n janne pynnoc en(de) zoe vele doen/ dat die selve her jan den vors(creven) clause behoirlike vestich(eit)/ doen sal van twee scellinge goets ghelts en(de) twee cap(uynen)/ erflic die de vors(creven) her jan tot her toe opdes voirs(creven) claus/ goede te cortbeke vors(creven) gelegen gehadt heeft alsoe dat/ des selfs claus goede dair af tot eeuwegen daghen ont/ last sullen mogen bliven Vort sal de vors(creven) amelric den/ vors(creven) clause betalen eenen(de)twintich holl(andsche) guld(en) te xvi st(uvers) tstuc/ deen derdel ts(int) jansmesse bap(tis)[te(n)] naestcomen(de) dand(er) derdel/ ts(int) jansmesse d(air) na volgen(de) en(de) dleste derdel ts(int)/ jansmesse bap(tis)[te(n)] dat d(air) na v(er)volgen sal ende/ telcken t(er)mijne als vervolghde schout Item heeft/ geloft de vors(creven) amelric te vervangen henr(icke) pynnoc/ sijnen sone dat hij de vors(creven) geloofte(n) met hem den/ vors(creven) clause doen sal en(de) den selven clause van/ des vors(creven) is beyde tsamen gheven hue(r) brieve van/ truwen en(de) eren in goeder formen gemaect Ende/ dit gedaen sal de vors(creven) claus den vors(creven) he(re)n janne/ pynnoc vesticheit doen van alle den chijse die/ de selve claus op des vors(creven) he(re)n jans pynnocx/ goede te cortbeke gelegen hadde oft hebben mochte/ so verre die amelrike vors(creven) toe te behoe(re)n plagen/ en(de) niet voird(er) cor(am) nausnid(ere) hoeven julii v