It(em) de voirs(creven) gebruedere(n) die in so(m)mige(n) saken tandere(n) tijden/ voir hue(re)n vader voirs(creven) somwile(n) deene somwile(n) dande(re) ge/ sproke(n) hebben ende borghe staen hebbe(n) malcande(re)n gelooft/ ende openbaerlijc toegeseecht soe wie van hen in e(n)nigen/ nacomenden tijden dair voe(r) gehoude(n) oft e(n)nichssins worde/ gepraemt dat zij alle laste(n) dair af comen(de) metter p(ri)ncipael/ der schout hoedanich die zijn mochte(n) te geliken laste/ draghe(n) ende cuelen selen Voirtmeer hebbe(n) zij deen dande(re)/ gelooflijc gelooft en(de) toegeseecht dat zij na de doot vand(en)/ voirs(creven) huere(n) vader die een wile tijts niet wale te passe en/ heeft geweest noch noch en is oft zij langer leefde(n) dan hij/ alle de goede leene erve en(de) have hoedanich die zijn oft/ wair die belege(n) oft bevonde(n) sele(n) werde(n) hoedegelijc deyle(n)/ selen al waer oec soe dat na recht deen va(n) hen in e(n)nige/ der selver voird(er) dan dande(re) gericht mocht wesen Et t(antu)m/ eisd(em)