It(em) jan lijse woenen(de) te jandraing en(de) wouter lijse sone wilen/ wouters oic van jandraing in p(rese)ncia hebbe(n) gelooft ongesund(er)t/ en(de) onverscheiden he(re)n henricke steyman prior des godshuys vand(en)/ troene henrico sijnen sone in zijnen name arnoldo kyp secretar(is)/ joffruwe johanne weduwe jacops wilen de gruyte(re) en(de) henrico/ vander ryvie(re)n hue(re)n knape in hae(re)n name en(de) den wettigen/ kynde(re)n lodewijcx wilen vanden meersberghe die zekere renten/ beide erflic en(de) lijftochte na inhout van scepen(en) brieven van lov(ene)/ d(air)af hebben aen en(de) op de goede wilen wae(re)n jonch(e)r baudewijns/ wilen van glymes te jandraing te gheete en(de) elswair dair/ omtrent gelegen Dat zij alle de vruchten renten ende/ proffiten hoedanich die zijn van hoven ca(m)men beempden/ eeuselen landen bosschen oft ande(re)n goeden die achter dit jair
//
van e(n)nich van dien comen zullen mogen tot behoeft der voirscr(even)/ rintiers bringen zullen van tijde te tijde inder stat wissel van/ loven(e) zonder elswair te keren oft te laten gaen Om dair/ af en()de dair aen den vors(creven) rentiers hue(r) achterstellich(eit) hue(re)r/ renten te trecken en(de) te verhalen altoes tot aen d(er)re tijt toe/ dat zij alle samentlijc volcomentlic en(de) al zullen zijn vernueght/ van welcken renten en(de) proffiten elc trecken sal na advenant dat/ zijn jairlike renten groet zijn en(de) gedraeght ende dit sal due(re)n/ den termijn van negen ja(r)en lanc beghynnen(de) van [te] half merte/ naestcomen(de) cor(am) roel(ofs) hoeven januarii xix