It(em) om deswille dat de voirs(creven) anth(onis) die dwaerscap int geheele/ gelijc voirscr(even) steet gelooft heeft alsnu ov(er)gheeft alle zijn brieve/ de(n) voirs(creven) gronde toebehoirende soe v(er)re hij die heeft Soe heeft/ gelooft de voirs(creven) gord oft hij gepraemt worde in nacomen(de) tiden/ van e(n)nige(n) vordere(n) co(m)me(r) dan tvoirs(creven) waerscap begrijpt en(de) hij/ dat opde(n) voirs(creven) anth(onise) v(er)haelde met rechte dat hij in dien/ gevalle de(n) selve(n) anth(onise) zijn brieve dair inne hem w(aer)scap mach/ zijn gelooft te bate(n) sal late(n) come(n) ende in handen leve(re)n om he(m)/ dair mede te behulpen op de ghene die hem voirtijts d(air) af/ gelofte gedaen moegen hebbe(n) Et t(antu)m eisd(em)