Tvo(n)nisse vanden gedinghe dat geweest es voir meye(r) en(de) scepen(en) va(n) loven(en)/ tusscen gielise vander balct [de(n) jonge(n)] ter eenre sijden ende hubrechte va(n) berthe(m)/ ter ande(re) aldair de vors(creven) gielijs opdede en(de) seyde dat anderwijle(n) discort/ en(de) questie geweest hadde tusscen hem en(de) joesen van berthem sone desselfs/ hubrechts mits zeke(re)n goeden die hem en(de) den selven joese inden name/ en(de) van weghen zijnder huysvrouwen aengestorve(n) wae(re)n Ende dat zij/ van dier questien bleve(n) wae(re)n int segghen en(de) uutsprake he(re)n arts van/ coursworm ridders ende dat navolgende den voirs(creven) (com)promisse ende v(er)bonde/ de vors(creven) her arnd zijn uutsprake dair af dede te coursworm vors(creven) int/ jair van lxv in zulker vuegen dat de voirs(creven) joes betalen soude den/ vors(creven) gielise de so(m)me van dertich rinscher guld(en) oft de weerde dair/ voe(r) Seggen(de) voirt dat de vors(creven) hubrecht geloift hadde de voirscr(even)/ uutsprake te voldoen in alle der maten en(de) vueghen gelijc die hij/uutspraken uutgesproken was en(de) dat zij en(de) elc van hen metter/ vors(creven) uutspraken te vreden wae(re)n en(de) geloefdense te houden(e) in wed(er)ssijde/ alsoe wale nae der uutspraken als d(air) voe(r) en(de) dat hem de vors(creven) hubrecht/ gemaict hadde p(ri)ncipael en(de) geloift tot eene(n) daige die leden w[a]s de vors(creven)/ dertich rinsche guld(en) te betalen met meer pointe(n) bij he(m) gealligeert/ ende alle dese pointe(n) boot hij te thoene(n) hopen(de) waer hijse gethoene(n)/ conste dat de vors(creven) hubrecht gehouden soude zijn de voirs(creven) dertich rinsch(er)/ gul(den) hem uut te reycken en(de) te betalen Dair tegen de vors(creven) hubrecht/ hem v(er)antweerden(de) dede seggen datme(n) ne(m)mermeer bevinde(n) en soude dat/ hij voer den vors(creven) joese zijnen sone gesprok(en) hadde inder mate(n) dat/ de vors(creven) gielijs dat voir hem nam maer seyde dat and(er)wijle(n) zekere/ sprake geweest was bij m(ijn) he(re) van coursworm mits discorde dien de vors(creven)/ p(ar)tien underlinghe met malcande(re)n hadden van tweelf mudde(n) corens
//
die den vors(creven) joese zijnen sone inden name als voe(r) toebehoirde(n) die/ hij hoopte dat hem wairt soe datter e(n)nighe uutsprake af gesciet/ wa(r)e te bate(n) comen souden en(de) sculdich wae(re)n te bate(n) te comen(e) met/ meer woirden bij hem gealligeert bieden(de) insgelix alle pointen/ te thoenen(e) dienen(de) tot sijne(n) rechte hopen(de) waer hij die gethoenen/ conste dat hij der vors(creven) aensprak(en) ongehoud(en) zijn soude Was gewijst/ ten uut(er)sten nae aensprake v(er)antweerd(en) en(de) thoenisse van beyden p(ar)tien/ dat de vors(creven) hubrecht gehouden soude sijn de vors(creven) dertich rinscher/ gul(den) dair questie om es den vors(creven) gielise op te leggen en(de) te betalen/ nae dat die waerheit gedrage(n) hadde cor(am) [o(mni)b(us)] scabinis in sca(m)pno de(m)pt(o)/ meldert m(ar)cii x