Item her coenrart vand(er) meren doctoir in beiden rechte ridde(r) die/ gegoet is met scepen(en) brieve(n) van loven(en) ov(er)lanc gemaect int hof en(de)/ de goede ter wy(n)ningen metten woeni(n)gen huysen hove(n) en(de) ande(re)n/ toebehoirte(n) te meerbeke bij nyenhoven gelegen en(de) opden dach van/ heden inde banc voir meye(r) en(de) scepen(en) bescreven hadde metter/ stat brieve den ontfanger des edelen he(re)n peters van goux/ ridders om dat hij volghde op so(m)mege d(er) vors(creven) goede voir een/ mudde corens erflic dat hij opde selve goede meynde te hebben/ vanden welcken de selve goede tot h(ier) toe als hij seide vry wae(re)n/ bleven Heeft hem opden dach va(n) heden als den dach ind(en) vors(creven)/ brief betekent was gep(rese)nteert inde banc tegen den selven/ ontfanger en(de) alle(n) ande(re)n die hen p(ar)tie maken woud(en) te rechte/ P(rese)ntib(us) scabinis in scampno maii secunda